ಹೋಲಿ ಕ್ರಾಸ್ ಚರ್ಚ್‌: ತೆರಾಲಿ ಹಬ್ಬ

ಬೈಂದೂರು: ಇಲ್ಲಿನ ಹೋಲಿ ಕ್ರಾಸ್ ಚರ್ಚ್‌ನ ವಾರ್ಷಿಕ ಉತ್ಸವ ತೆರಾಲಿ ಹಬ್ಬ ಸಂಭ್ರಮದಿಂದ ಜರುಗಿತು.

ಕರ್ನಾಟಕ ಪ್ರಾಂತೀಯ ಸೆಮಿನರಿಯ ನಿರ್ದೇಶಕ ಫಾ.ಬೊನಿಪಾಸ್ ಪಿಂಟೊ ಬಲಿಪೂಜೆಯ ಪ್ರಧಾನ ಗುರುಗಳಾಗಿ ಪೂಜೆ ನೆರವೇರಿಸಿದರು. ದಾನಿಗಳು, ಸೇವಾಕರ್ತರಿಗೆ ಮೇಣದ ಬತ್ತಿ ನೀಡಿ ಗೌರವಿಸಲಾಯಿತು. ಉಡುಪಿಯ ಫಾ.ಜೋಕಿಂ ಡಿಸೋಜ ಅವರು ಕೋಂಪ್ರಿ ಹಬ್ಬ ನೆರವೇರಿಸಿದರು.

ಉಡುಪಿ ಧರ್ಮಪ್ರಾಂತ್ಯದ ಧರ್ಮಗುರುಗಳು, ಬೈಂದೂರಿನ ಸಹಾಯಕ ಧರ್ಮಗುರು‌ ಪ್ರಥ್ವಿ ರಾಡ್ರಿಗಸ್‌, ಚರ್ಚ್‌ನ ಪಾಲನಾ ಮಂಡಳಿ ಉಪಾಧ್ಯಕ್ಷ ಸ್ಟೀಫನ್ ಡಯಾಸ್, ಕಾರ್ಯದರ್ಶಿ ವೀಣಾ ಫರ್ನಾಂಡಿಸ್, ಆಯೋಗದ ಸಂಯೋಜಕಿ ಜೋಸ್ಪಿನ್‌ ರೊಡ್ರಿಗಸ್‌ ಭಾಗವಹಿಸಿದ್ದರು. ಚರ್ಚ್‌ ಧರ್ಮಗುರು ಫಾ.ವಿನ್ಸೆಂಟ್ ಕುವೆಲ್ಲೊ ಚರ್ಚ್‌ ಮಹೋತ್ಸವಕ್ಕೆ ಬೆಂಬಲ ನೀಡಿದ ಸರ್ವರಿಗೂ ಧನ್ಯವಾದ ಸಲ್ಲಿಸಿದರು.