ಎಂ.ಬಿ.ಬಿ.ಎಸ್ (ಕಣ್ಣಿನ ವಿಭಾಗ) ಪರೀಕ್ಷೆ: ಡಾ. ಹರ್ಷಿತಾ ಶೆಟ್ಟಿಗೆ ಚಿನ್ನದ ಪದಕ

ಶಿರ್ವ: ನಾಸಿಕ್‍ನ ಮಹಾರಾಷ್ಟ್ರ ಯುನಿವರ್ಸಿಟಿ ಆಫ್ ಹೆಲ್ತ್ ಸೈಯನ್ಸ್ ಅಡಿಯಲ್ಲಿ ಬರುವ ಪುಣೆ ಬಿಜೆ ಮೆಡಿಕಲ್ ಕಾಲೇಜಿನ ವಿದ್ಯಾರ್ಥಿನಿ ಶಿರ್ವದ ಡಾ. ಹರ್ಷಿತಾ ಹರೀಶ್ ಶೆಟ್ಟಿ ಎಂ.ಬಿ.ಬಿ.ಎಸ್ (ಕಣ್ಣಿನ ವಿಭಾಗ) ಪರೀಕ್ಷೆಯಲ್ಲಿ ಪ್ರಥಮ ಸ್ಥಾನಗಳಿಸಿ, ಚಿನ್ನದ ಪದಕ ಪಡೆದಿದ್ದಾರೆ.

ವಿಶ್ವವಿದ್ಯಾಲಯದ 21ನೇ ಸಂಸ್ಥಾಪನಾ ದಿನಾಚರಣೆಯಲ್ಲಿ ಅವರು ಪದಕ ಸ್ವೀಕರಿಸಿದರು. ಪುಣೆಯಲ್ಲಿ ಹೋಟೆಲ್ ಉದ್ಯಮಿಯಾಗಿರುವ ಪಂಜಿಮಾರು ಹರೀಶ್ ಶೆಟ್ಟಿ– ವಾರಿಜಾ ಶೆಟ್ಟಿ ದಂಪತಿ ಪುತ್ರಿ ಇವರು.