ಯುಎಇ ಲಾಟರಿ: ಕಟಪಾಡಿಯ ಶಾಂತನುಗೆ ₹49 ಕೋಟಿ ಬಹುಮಾನ

ಪಡುಬಿದ್ರಿ (ಉಡುಪಿ): ಅಬುಧಾಬಿಯಲ್ಲಿ ನಡೆದ ಬಿಗ್ ಟಿಕೆಟ್ ಲಕ್ಕಿ ಡ್ರಾದಲ್ಲಿ ಕಟಪಾಡಿ ಮಟ್ಟುವಿನ ನಿವಾಸಿ ಶಾಂತನು ಶೆಟ್ಟಿಗಾರ್ ಅವರಿಗೆ 2 ಕೋಟಿ  ದಿರ್‌ಹಂ (₹49 ಕೋಟಿ) ಬಹುಮಾನ ಒಲಿದಿದೆ.

ಈ ಡ್ರಾದಲ್ಲಿ ಜಾಕ್‌ಪಾಟ್ ಜೊತೆಗೆ ಹಲವು ಬಹುಮಾನಗಳೂ ಸೇರಿದ್ದವು. ಐದು ಮಂದಿಗೆ ತಲಾ 10 ಲಕ್ಷ ದಿರ್‌ಹಂ ಬಹುಮಾನದ ಜೊತೆಗೆ ಐಷಾರಾಮಿ ವಾಹನ ನೀಡಲಾಯಿತು.  

ಸ್ನೇಹಿತರೊಂದಿಗೆ ಸೇರಿ ಟಿಕೆಟ್ ಖರೀದಿಸಿದ್ದು, ಬಹುಮಾನ ಮೊತ್ತವನ್ನು ಸ್ನೇಹಿತರೊಂದಿಗೆ ಹಂಚಿ ಕೊಳ್ಳುವುದಾಗಿ ಶಾಂತನು ನೇರ ಪ್ರಸಾರದಲ್ಲಿ ಹೇಳಿದ್ದಾರೆ.