19ಕ್ಕೆ ಕಚೇರಿಗೆ ಬಂದಿದ್ದ ಸೋಂಕಿತ

ಉಡುಪಿ: ಕೋವಿಡ್‌ ಸೋಂಕು ತಗುಲಿರುವ ಜಿಲ್ಲಾ ಪಂಚಾಯಿತಿ ಕಚೇರಿಯ ಸಿಬ್ಬಂದಿ ಕೊನೆಯದಾಗಿ ಮೇ 19ರ ಬೆಳಿಗ್ಗೆ ಕಚೇರಿಗೆ ಬಂದಿದ್ದರು ಎಂದು ಜಿಲ್ಲಾ ಪಂಚಾಯಿತಿ ಸಿಇಒ ಪ್ರೀತಿ ಗೆಹ್ಲೋಟ್ ತಿಳಿಸಿದರು.

19ರಂದು ಕಚೇರಿಗೆ ಬಂದಾಗ ಸಿಬ್ಬಂದಿಯಲ್ಲಿ ಜ್ವರದ ಲಕ್ಷಣಗಳಿತ್ತು. ತಕ್ಷಣ ಅವರ ಗಂಟಲ ದ್ರವವನ್ನು ಪ್ರಯೋಗಾಲಯಕ್ಕೆ ಕಳುಹಿಸಲಾಗಿತ್ತು. ಸೋಮವಾರ ವರದಿಯಲ್ಲಿ ಪಾಸಿಟಿವ್ ಕಂಡುಬಂದಿದೆ. ಈದ್ ಅಂಗವಾಗಿ ಸೋಮವಾರ ಕಚೇರಿಗೆ ರಜೆ ಇದ್ದ ಕಾರಣ ಸ್ಯಾನಿಟೈಸ್ ಮಾಡಲಾಗಿಲ್ಲ. ಮಂಗಳವಾರ ಇಡೀ ಕಚೇರಿಯನ್ನು ಸ್ವಚ್ಛಗೊಳಿಸಿ ಮುಚ್ಚಲಾಗುವುದು ಎಂದು ತಿಳಿಸಿದರು.

ಸೋಂಕಿತ ವ್ಯಕ್ತಿಯ ಜತೆಗೆ ಪ್ರಾಥಮಿಕ ಸಂಪರ್ಕಕ್ಕೆ ಬಂದಿರುವ 4 ಮಂದಿಯನ್ನು ಪರೀಕ್ಷೆಗೊಳಪಡಿಸಲಾಗಿದೆ. ಉಳಿದವರನ್ನು ಮಂಗಳವಾರ ಪರೀಕ್ಷೆಗೊಳಪಡಿಸಲಾಗುವುದು. ಎಲ್ಲ ಸಂಪರ್ಕಿತರನ್ನು ಹೋಂ ಕ್ವಾರಂಟೈನ್‌ನಲ್ಲಿರಿಸಲಾಗಿದೆ ಎಂದರು.