ಉಡುಪಿ: ಬೇಕರಿಯ ಓವನ್ ಸ್ಫೋಟಗೊಂಡು ಮಾಲೀಕ ಸಾವು

ಉಡುಪಿ: ಸಾಸ್ತಾನ ಸಮೀಪದ ಐರೋಡಿಯಲ್ಲಿ ಸೋಮವಾರ ಬೆಳಿಗ್ಗೆ ಬೇಕರಿಯ ಓವನ್‌ ಸ್ಫೋಟಗೊಂಡು ಮಾಲೀಕ ರಾಬರ್ಟ್ ಪುಟಾರ್ಡೊ (58) ಮೃತಪಟ್ಟಿದ್ದಾರೆ.

ಬೇಕರಿಯಲ್ಲಿದ್ದ ದೊಡ್ಡ ಓವನ್‌ಗೆ ಸಿಲಿಂಡರ್ ಅಳವಡಿಸುವಾಗ ಆಕಸ್ಮಿಕವಾಗಿ ಸ್ಫೋಟವಾಗಿದೆ. ಈ ಸಂದರ್ಭ ಬೇಕರಿಯಲ್ಲಿ ಐವರು ಕೆಲಸಗಾರರು ಇದ್ದರು. ಅವರಲ್ಲಿ ರಮೇಶ್‌ ಎಂಬುವರ ತಲೆಗೆ ಪೆಟ್ಟಾಗಿದ್ದು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಪ್ರಕರಣ ದಾಖಲಿಸಿಕೊಂಡಿರುವ ಕೋಟ ಠಾಣೆ ಪೊಲೀಸರು ಮಾಹಿತಿ ನೀಡಿದರು.