ಉಡುಪಿ ಕೃಷ್ಣ ಮಠದಲ್ಲಿ ವಸ್ತ್ರಸಂಹಿತೆ ಜಾರಿ

ಉಡುಪಿ: ಶೀರೂರು ಪರ್ಯಾಯದ ಮೊದಲ ದಿನದಿಂದಲೇ, ದೇವರ ದರ್ಶನಕ್ಕೆ ಕೃಷ್ಣ ಮಠಕ್ಕೆ ಪ್ರವೇಶಿಸಲು ಭಕ್ತರಿಗೆ ವಸ್ತ್ರಸಂಹಿತೆ ಜಾರಿಗೊಳಿಸಲಾಗಿದೆ.

‘ಪುರುಷರು ಅಂಗಿ, ಬರ್ಮುಡಾ ಹಾಗೂ ಮಹಿಳೆಯರು ಹಾಫ್‌ ಸ್ಕರ್ಟ್‌, ಬರ್ಮುಡಾ ಧರಿಸಿ ಬರಬಾರದು’ ಎಂದು ಶೀರೂರು ಮಠದ ದಿವಾನ ಉದಯಕುಮಾರ್‌ ಸರಳತ್ತಾಯ ತಿಳಿಸಿದ್ದಾರೆ.

ಸರೋವರದ ಮೂಲಕ ಪೂರ್ವ ಮಹಾದ್ವಾರದಿಂದ ಪ್ರವೇಶಿಸುವಾಗ ಪುರುಷರು ಅಂಗಿ ತೆಗೆದು ಶಾಲು ಹಾಕಿಕೊಂಡು ಪ್ರವೇಶಿಸಬಹುದು. ಹಿಂದೆ ಮಧ್ಯಾಹ್ನದವರೆಗೆ ಈ ನಿಯಮವಿತ್ತು, ಅದನ್ನು ಈಗ ರಾತ್ರಿವರೆಗೂ ವಿಸ್ತರಿಸಲಾಗಿದೆ ಎಂದು ಅವರು ಹೇಳಿಕೆ ನೀಡಿದ್ದಾರೆ.