ದಾಂಡೇಲಿಯಲ್ಲಿ ಕಂಡು ಬಂದ ಹಳದಿ ಕಾಲಿನ ಹಸಿರು ಪಾರಿವಾಳ

ದಾಂಡೇಲಿ: ನಗರದ ಬಂಗೂರನಗರ ಜೂನಿಯರ್ ಕಾಲೇಜಿನ ಹತ್ತಿರದ ಆಲದ ಮರದಲ್ಲಿ ಪ್ರವಾಸೋದ್ಯಮ ಹಾಗೂ ಹವ್ಯಾಸಿ ವನ್ಯಜೀವಿ ಛಾಯಾಗ್ರಾಹಕ ರಾಹುಲ್ ಬಾವಾಜಿ ಅವರ ಕ್ಯಾಮೆರಾ ಕಣ್ಣಿಗೆ ಹಳದಿ ಕಾಲಿನ ಹಸಿರು ಪಾರಿವಾಳ (ವೈಜ್ಞಾನಿಕ ಹೆಸರು ಟ್ರೆರಾನ್ ಫಿನಿಕಾಪ್ಟೆರಸ್) ಶನಿವಾರ ಸೆರೆ ಸಿಕ್ಕಿದೆ.

ಭಾರತೀಯ ಉಪಖಂಡ ಮತ್ತು ಆಗ್ನೇಯ ಏಷ್ಯಾದ ಕೆಲವು ಭಾಗಗಳಲ್ಲಿ ಕಂಡುಬರುವ ಹಸಿರು ಪಾರಿವಾಳ ಮಹಾರಾಷ್ಟ್ರದ ರಾಜ್ಯ ಪಕ್ಷಿ. ಮರಾಠಿಯಲ್ಲಿ ಹರೋಲಿ ಅಥವಾ ಹರಿಯಲ್ ಎಂದು ಕರೆಯಲಾಗುತ್ತದೆ. ಅಸ್ಸಾಂನಲ್ಲಿ ಹೈಥಾ ಮತ್ತು ಹೈಟೋಲ್ ಎಂದು ಸಹ ಕರೆಯುತ್ತಾರೆ.

ಇವುಗಳು ಹಿಂಡು ಹಿಂಡಾಗಿ ಹೆಚ್ಚಾಗಿ ದಟ್ಟವಾದ ಅರಣ್ಯ ಪ್ರದೇಶಗಳ ಆಲದ ಮರಗಳಲ್ಲಿ ಕಂಡುಬಂದರೆ ಅಪರೂಪಕ್ಕೆ ನಗರ ಪ್ರದೇಶದ ಆಲದ ಮರದಲ್ಲಿ ಕಂಡುಬರುತ್ತವೆ ಎಂದು ಅವರು ಮಾಹಿತಿ ನೀಡಿದ್ದಾರೆ.