ಅನ್ನಭಾಗ್ಯದ ಅಕ್ಕಿ ಅಕ್ರಮ ಸಾಗಾಟ: ಬಂಧನ

ಶಿರಸಿ: ಅನ್ನಭಾಗ್ಯ ಯೋಜನೆಯಡಿ ಪಡಿತರದಾರರಿಗೆ ವಿತರಿಸಬೇಕಿದ್ದ ಅಕ್ಕಿಯನ್ನು ಅಕ್ರಮವಾಗಿ ಮಾರಾಟ ನಡೆಸಲು ಸಾಗಿಸುತ್ತಿದ್ದ ತಂಡವೊಂದನ್ನು ಶಿರಸಿ ಗ್ರಾಮೀಣ ಠಾಣೆ ಪೊಲೀಸರು ಚಿಪಗಿ ಕ್ರಾಸ್ ಬಳಿ ಶುಕ್ರವಾರ ರಾತ್ರಿ ಬಂಧಿಸಿದ್ದು, 2360 ಕೆಜಿ ಅಕ್ಕಿ ಜಫ್ತುಪಡಿಸಿಕೊಂಡಿದ್ದಾರೆ

ಕಸ್ತೂರಬಾ ನಗರದ ಜಾಕೀರ್ ಅಯುಬ್ ಖಾನ್ (52), ನೆಹರೂ ನಗರದ ಸಲ್ಮಾನ್ ಬಶೀರ್ ಅಹ್ಮದ್ (23) ಬಂಧಿತರು. ಆರೋಪಿಗಳು ಲಾರಿಯೊಂದರಲ್ಲಿ ತಲಾ 40 ಕೆಜಿ ತೂಕದಂತೆ 59 ಚೀಲಗಳಲ್ಲಿ ತುಂಬಿಡಲಾಗಿದ್ದ ಅಕ್ಕಿಯನ್ನು ಸಾಗಿಸುತ್ತಿದ್ದರು. ಈ ಕುರಿತು ತಾಲ್ಲೂಕಾ ಆಹಾರ ನಿರೀಕ್ಷಕರು ನೀಡಿದ ದೂರು ಆಧರಿಸಿ ಪೊಲೀಸರು ಕಾರ್ಯಾಚರಣೆ ನಡೆಸಿದರು.