ಹಂಪಿ ಉತ್ಸವ | ಹೆಲಿಕಾಪ್ಟರ್‌ನಲ್ಲಿ ಕುಳಿತು ಹಂಪಿ ವೀಕ್ಷಿಸುವ ಅವಕಾಶ; ದರವೆಷ್ಟು?

ಹೊಸಪೇಟೆ (ವಿಜಯನಗರ): ಹಂಪಿಯನ್ನು ಆಗಸದಿಂದ ನೋಡುವುದು ವಿಶಿಷ್ಟ ಅನುಭವ, ಅದನ್ನು ಪ್ರವಾಸಿಗರು ಬಳಸಿಕೊಳ್ಳಬೇಕು ಎಂದು ಜಿಲ್ಲಾಧಿಕಾರಿ ಎಂ.ಎಸ್.ದಿವಾಕರ್ ಹೇಳಿದರು.

ಹಂಪಿಯಲ್ಲಿ ಶನಿವಾರ ಹಂಪಿ ಉತ್ಸವ ಪ್ರಯುಕ್ತ 'ಹಂಪಿ ಬೈ ಸ್ಕೈ' ಹೆಲಿಕಾಪ್ಟರ್ ಹಾರಾಟಕ್ಕೆ ಶಾಸಕ ಎಚ್. ಆರ್.ಗವಿಯಪ್ಪ ಅವರ ಜತೆಗೆ ಚಾಲನೆ ನೀಡಿ ಮಾತನಾಡಿದ ಅವರು, ಇತರೆಡೆ ನಡೆಯುವ ಜಾತ್ರೆ, ಉತ್ಸವಗಳಂತಲ್ಲ ಹಂಪಿಯ ಪರಿಸರ, ಆಗಸದಿಂದ ಹಂಪಿಯನ್ನು ನೋಡುವುದರಿಂದ ಆಗುವ ಅನುಭೂತಿಯೇ ವಿಶಿಷ್ಟವಾದುದು ಎಂದರು.

ಶಾಸಕ ಗವಿಯಪ್ಪ ಮಾತನಾಡಿ, ಮಾರ್ಚ್ 3ರವರೆಗೆ ಈ ಹೆಲಿಕಾಪ್ಟರ್ ಹಾರಾಟ ಇರಲಿದೆ, ಎರಡು ಹೆಲಿಕಾಪ್ಟರ್‌ಗಳಿವೆ. ಸಾರ್ವಜನಿಕರು ಈ ಅವಕಾಶ ಬಳಸಬೇಕು ಎಂದರು.