ಕಾಲುವೆಯಲ್ಲಿ ಬಿದ್ದು ಮಹಿಳೆ ಸಾವು

ಹೊಸಪೇಟೆ (ವಿಜಯನಗರ):  ಸಮೀಪದ ಗಾಳೆಮ್ಮನಗುಡಿ ಗ್ರಾಮದ ಬಳಿಯ ಎಲ್‍ಎಲ್‍ಸಿ ಕಾಲುವೆಯಲ್ಲಿ ಭಾನುವಾರ ಸುಮಾರು 35 ವರ್ಷದ ಅಪರಿಚಿತ ಮಹಿಳೆಯೊಬ್ಬರು ನೀರಿಗೆ ಬಿದ್ದು ಮೃತಪಟ್ಟಿದ್ದಾರೆ.

ಭಾನುವಾರ ಮಧ್ಯಾಹ್ನ ಕಾಲುವೆಗೆ ಹಾರಿದ್ದ ಮಹಿಳೆಯನ್ನು, ಈಜಲು ಬಂದ ಕೆಲ ಯುವಕರು ನೀರಿನಿಂದ  ಹೊರ ತಂದಿದ್ದರು. ಆದರೆ ಮಹಿಳೆ ಮೃತಪಟ್ಟಿದ್ದರು ಎನ್ನಲಾಗಿದೆ.

ಈ ಕುರಿತು ಹಳೇಮಲಪನಗುಡಿ ಗ್ರಾಮ ಪಂಚಾಯಿತಿಯಲ್ಲಿ ನೀರು ಬಿಡುವ ಸಿಬ್ಬಂದಿ ಶಂಕರ್‍ನಾಯ್ಕ ಅವರು ಹಂಪಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.