ವಿಜಯಪುರ: ಧಾರಾಕಾರ ಮಳೆ

ವಿಜಯಪುರ: ನಗರ ಸೇರಿದಂತೆ ಜಿಲ್ಲೆಯ ಹಲವೆಡೆ ಸೋಮವಾರ ಧಾರಾಕಾರ ಮಳೆ ಸುರಿಯಿತು.

ವಿಜಯಪುರ ನಗರದಲ್ಲಿ ಮಧ್ಯಾಹ್ನ ಮತ್ತು ಸಂಜೆ ಭಾರೀ ಮಳೆ ಸುರಿಯಿತು. ಉಳಿದಂತೆ ಸಿಂದಗಿಯಲ್ಲಿ ಉತ್ತಮ ಮಳೆಯಾಗಿದೆ. ಮುದ್ದೇಬಿಹಾಳ, ಇಂಡಿ, ತಾಂಬಾದಲ್ಲಿ ಜಿಟಿಜಿಟಿ ಮಳೆಯಾಗಿದೆ.

ಬಸವನಬಾಗೇವಾಡಿ 1.8,ಆಲಮಟ್ಟಿ 0.8, ಭೂತನಾಳ 1.6, ಮಮದಾಪೂರ 2.2, ಅಗರಖೇಡ 1.1,ಚಡಚಣ 2, ಝಳಕಿ 2.7, ರಾಮನಹಳ್ಳಿ 4.6 ಮಿ.ಮೀ. ಮಳೆಯಾಗಿದೆ.

ಜಿಲ್ಲೆಯಲ್ಲಿ ಒಂದು ವಾರದಿಂದ ಉತ್ತಮ ಮಳೆಯಾಗುತ್ತಿರುವುದರಿಂದ ಹೊಲದಲ್ಲಿ ಬೆಳೆಗೆ ಅನಾನುಕೂಲವಾಗಿದೆ. ತಗ್ಗು ಪ್ರದೇಶದ ಹೊಲದಲ್ಲಿ ನೀರು ನಿಂತ ಪರಿಣಾಮ ಕೊಳೆಯುವ ಸಾಧ್ಯತೆ ಇರುವುದಾಗಿ ರೈತರು ಆತಂಕ ವ್ಯಕ್ತಪಡಿಸಿದ್ದಾರೆ.