ಶಹಾಪುರ: ಅಂಗಡಿ ಮುಂಗಟ್ಟು ಬಂದ್

ಶಹಾಪುರ: ನಗರದಲ್ಲಿ ಸೋಮವಾರವೂ ಕರ್ಫ್ಯೂ ಮುಂದುವರೆಸಿದ್ದರಿಂದ ಅಂಗಡಿ ಮುಂಗಟ್ಟು ಬಂದ್ ಆಗಿದ್ದವು.

ಬೆಳಿಗ್ಗೆ 6ಗಂಟೆಯಿಂದ 10 ಗಂಟೆಯವರೆಗೆ ಅಗತ್ಯ ವಸ್ತುಗಳನ್ನು ಖರೀದಿಸಲು ಅನುವು ಮಾಡಿಕೊಡಲಾಗಿತ್ತು. ನಂತರ ಪೊಲೀಸರು ಬಲವಂತದಿಂದ ಅಂಗಡಿ ಬಂದ್ ಮಾಡಿಸಿದರು. ಗ್ರಾಮಸ್ಥರು ಅನಿವಾರ್ಯವಾಗಿ ಗ್ರಾಮದ ಕಡೆ ಮುಖ ಮಾಡಿದರು. ಮಧ್ಯಾಹ್ನವಾಗುತ್ತಿದ್ದಂತೆ ವಾಹನಗಳ ಓಡಾಟವು ಕಡಿಮೆಯಾಯಿತು. ಇದರಿಂದ ಹೆದ್ದಾರಿ ಸಂಚಾರ ಬಿಕೊ ಎನ್ನುತ್ತಿತ್ತು.

ಇವೆಲ್ಲದರ ನಡುವೆ ಗ್ರಾಮೀಣ ಪ್ರದೇಶದಿಂದ ಆಗಮಿಸುತ್ತಿದ್ದ ವ್ಯಾಪಾರಿಗಳು ತರಕಾರಿ ಮಾರುಕಟ್ಟೆಗೆ ಆಗಮಿಸುತ್ತಿಲ್ಲ. ಇದರಿಂದ ಬೆಲೆ ಏರಿಕೆಯ ಬಿಸಿ ತಣ್ಣಗೆ ಕಾಣಿಸಿಕೊಂಡಿದೆ ಎಂದು ನಗರದ ನಿವಾಸಿ ಉಮೇಶ ಮುಡಬೂಳ ತಿಳಿಸಿದ್ದಾರೆ.