ಅವರಿಗೆ ಅಲಿ, ನಮಗೆ ಬಜರಂಗ ಬಲಿ: ಯೋಗಿ

ಮೀರಠ್ (ಉತ್ತರ ಪ್ರದೇಶ): ಮುಸ್ಲಿಂ ಲೀಗ್‌ ಅನ್ನು ‘ವೈರಸ್’ ಎಂದು ಕರೆದಿರುವ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಅವರು, ಹಿಂದೂ ಹಾಗೂ ಮುಸ್ಲಿಂ ಮತದಾರರು ‘ಅಲಿ–ಬಜರಂಗ ಬಲಿ’ ಸ್ಪರ್ಧೆಯಲ್ಲಿದ್ದಾರೆ ಎಂದಿದ್ದಾರೆ.

‘ವಿರೋಧಪಕ್ಷಗಳ ಮೈತ್ರಿಕೂಟ ಬೆಂಬಲಿಸುವಂತೆ ಮುಸ್ಲಿಮರಿಗೆ ಮಾಯಾವತಿ ಕರೆ ನೀಡಿದ್ದಾರೆ. ಹಿಂದೂಗಳು ಬಿಜೆಪಿಗೆ ಮತ ಹಾಕುವುದನ್ನು ಬಿಟ್ಟು ಬೇರೆ ಆಯ್ಕೆಯಿಲ್ಲ’ ಎಂದು ಯೋಗಿ ಹೇಳಿದ್ದಾರೆ.

‘ಕಾಂಗ್ರೆಸ್, ಎಸ್‌ಪಿ ಹಾಗೂ ಬಿಎಸ್‌ಪಿ ‘ಅಲಿ’ ಮೇಲೆ ವಿಶ್ವಾಸವಿಟ್ಟರೆ, ನಮಗೆ ‘ಬಜರಂಗ ಬಲಿ’ ಮೇಲೆ ನಂಬಿಕೆ ಇದೆ’ ಎಂದು ಅವರು ಹೇಳಿದ್ದಾರೆ.