‘ನನ್ನ ರಾಜಿ’.. ಪತಿಯ ಕುರಿತು ಮಂದಿರಾ ಬೇಡಿ ಭಾವನಾತ್ಮಕ ಪೋಸ್ಟ್

ಬೆಂಗಳೂರು: ಹೃದಯಾಘಾತಕ್ಕೆ ಒಳಗಾಗಿ ಸಾವನ್ನಪ್ಪಿದ ಚಿತ್ರ ನಿರ್ಮಾಪಕ ರಾಜ್ ಕೌಶಲ್ ಕುರಿತು ನಟಿ ಮಂದಿರಾ ಬೇಡಿ ಮತ್ತೊಂದು ಭಾವನಾತ್ಮಕ ಚಿತ್ರ ಪೋಸ್ಟ್ ಮಾಡಿದ್ದಾರೆ.

ರಾಜ್ ಜತೆಗಿನ ಹಳೆಯ ಫೋಟೊ ಒಂದನ್ನು ಪೋಸ್ಟ್ ಮಾಡಿರುವ ಮಂದಿರಾ ಬೇಡಿ, #rip ಮೈ ರಾಜಿ ಎಂದು ಬರೆದು, ಅದರಲ್ಲಿ ಒಡೆದ ಹೃದಯದ ಎಮೋಜಿ ಸಹಿತ ಟ್ವೀಟ್ ಮಾಡಿದ್ದಾರೆ.

ಅಲ್ಲದೆ, ಪತಿಯ ಸಾವಿನ ಬಳಿಕ ಮಂದಿರಾ ಬೇಡಿ, ಇನ್‌ಸ್ಟಾಗ್ರಾಂ ಪ್ರೊಫೈಲ್ ಚಿತ್ರವನ್ನು ಕೂಡ ತೆಗೆದು, ಕಪ್ಪು ಬಣ್ಣಕ್ಕೆ ಬದಲಾಯಿಸಿಕೊಂಡಿದ್ದಾರೆ.

ಮಂದಿರಾ ಬೇಡಿ ಮತ್ತು ರಾಜ್ ಕೌಶಲ್ 1999ರಲ್ಲಿ ವಿವಾಹವಾಗಿದ್ದರು. ಈ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ.

ರಾಜ್ ಕೌಶಲ್‌ಗೆ ಶ್ರದ್ಧಾಂಜಲಿ ಅರ್ಪಿಸಲು ಮಂದಿರಾ ಬೇಡಿ ಮನೆಯಲ್ಲಿಯೇ ಪ್ರಾರ್ಥನೆ ಆಯೋಜಿಸಿದ್ದು, ಆಪ್ತರು ಭಾಗವಹಿಸಿದ್ದರು.

ನಟಿ ಮಂದಿರಾ ಬೇಡಿ ಪತಿ ರಾಜ್​ ಕೌಶಲ್ ಹೃದಯಾಘಾತದಿಂದ ನಿಧನ