ಆಲಿಯಾ ‘ನೆಚ್ಚಿನ ಮಹಿಳೆ’
ಬಾಲಿವುಡ್‌ನ ಪ್ರತಿಭಾವಂತ ನಟಿ ಆಲಿಯಾ ಭಟ್ ಟೈಮ್ಸ್‌ನ ‘ನೆಚ್ಚಿನ ಮಹಿಳೆ’ 2018 ಆಗಿ ಆಯ್ಕೆಯಾಗಿದ್ದಾರೆ. ಜನಪ್ರಿಯತೆಯಲ್ಲಿ ಕತ್ರೀನಾ ಕೈಫ್, ದೀಪಿಕಾ ಪಡುಕೋಣೆ ಮತ್ತು ಸಾರಾ ಅಲಿ ಖಾನ್ ಅವರನ್ನೂ ಆಲಿಯಾ ಹಿಂದಿಕ್ಕಿರುವುದು ಗಮನೀಯ.
‘ಟೈಮ್ಸ್’ ಪತ್ರಿಕೆ ವಿವಿಧ ಕ್ಷೇತ್ರಗಳಲ್ಲಿನ ಮಹಿಳೆಯರ ಸಾಧನೆಯನ್ನು ಪಟ್ಟಿ ಮಾಡಿ, ಒಟ್ಟು 50 ಮಹಿಳೆಯರನ್ನು ಆಯ್ಕೆ ಮಾಡಿದೆ. ಸಿನಿಮಾ ಕ್ಷೇತ್ರದಲ್ಲಿ ಆಲಿಯಾ ಭಟ್ ನೆಚ್ಚಿನ ಮಹಿಳೆಯಾಗಿ ಹೊರಹೊಮ್ಮಿದ್ದಾರೆ. ಬಾಲಿವುಡ್‌ನ ಹೊಸ ಪ್ರತಿಭೆಗಳಲ್ಲಿ ಮುಂಚೂಣಿಯಲ್ಲಿರುವ ಆಲಿಯಾ ಅವರ ಸೆಕ್ಸ್ ಅಪೀಲ್, ಪ್ರತಿಭೆ ಮತ್ತು ಜನಪ್ರಿಯತೆಯನ್ನು ಆಧರಿಸಿ ಆಯ್ಕೆ ಮಾಡಲಾಗಿದೆ. ಆಯ್ಕೆ ಪ್ರಕ್ರಿಯೆಗಾಗಿ ಟೈಮ್ಸ್ ಆನ್‌ಲೈನ್‌ನಲ್ಲಿ ಮತದಾನವನ್ನೂ ಆಯೋಜಿಸಿತ್ತು.
‘ರಾಜಿ’ ಸಿನಿಮಾದ ಮೂಲಕ ಪ್ರೇಕ್ಷಕರಷ್ಟೇ ಅಲ್ಲ ವಿಮರ್ಶಕರನ್ನೂ ಮಂತ್ರಮುಗ್ಧರನ್ನಾಗಿಸಿದ ಆಲಿಯಾ ಅಭಿನಯಕ್ಕೆ ಪ್ರಶಸ್ತಿಯೂ ದಕ್ಕಿದೆ.
ರಣಬೀರ್ ಕಪೂರ್ ಜೊತೆಗಿನ ಸ್ನೇಹದ ಕಾರಣಕ್ಕಾಗಿ ಸದಾ ಸುದ್ದಿಯ ಕೇಂದ್ರಬಿಂದುವಾಗಿರುವ ಆಲಿಯಾ, ಫಿಲಂಫೇರ್ ಪ್ರಶಸ್ತಿ ಸಮಾರಂಭದಲ್ಲಿ ರಣಬೀರ್‌ಗೆ ಬಹಿರಂಗವಾಗಿಯೇ ಮುತ್ತಿಟ್ಟಿದ್ದರು.
ಕಳೆದ ವರ್ಷ ಟೈಮ್ಸ್ ನೆಚ್ಚಿನ ಮಹಿಳೆಯಾಗಿ ಮಿಸ್ ವರ್ಲ್ಡ್‌ ಮಾನುಷಿ ಚಿಲ್ಲರ್ ನೆಚ್ಚಿನ ಮಹಿಳೆಯಾಗಿ ಆಯ್ಕೆಯಾಗಿದ್ದು, ಈ ವರ್ಷ ಅವರು 17ನೇ ಸ್ಥಾನದಲ್ಲಿದ್ದಾರೆ. 2017ರಲ್ಲಿ ದೀಪಿಕಾ ಪಡುಕೋಣೆ ಎರಡನೇ ಸ್ಥಾನದಲ್ಲಿದ್ದು. ಆಗ ಆಲಿಯಾ 37ನೇ ಸ್ಥಾನದಲ್ಲಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.