ವೆಬ್‌ ಲೋಕಕ್ಕೆ ವೆಂಕಿ ಮಾಮ

ನಟ ವೆಂಕಟೇಶ್‌ ದಗ್ಗುಬಾಟಿ ವೆಬ್‌ಸಿರೀಸ್‌ ಮೂಲಕ ಡಿಜಿಟಲ್‌ ಲೋಕಕ್ಕೆ ಕಾಲಿಡಲಿದ್ದಾರೆ.

ತೆಲುಗು ಭಾಷೆಯ ‘ಅಸುರನ್‌’ ರಿಮೇಕ್‌ ‘ನಾರಪ್ಪ’ ಸಿನಿಮಾದಲ್ಲಿ ನಾಯಕನಾಗಿ ನಟಿಸುತ್ತಿರುವ ವೆಂಕಟೇಶ್‌ ದಗ್ಗುಬಾಟಿ, ಆ ಚಿತ್ರದ ಕೆಲಸಗಳು ಮುಗಿದ ನಂತರ ಸಹೋದರ ಸುರೇಶ್‌ ಬಾಬು ನಿರ್ಮಾಣದ ವೆಬ್‌ ಸರಣಿಯಲ್ಲಿ ಬಣ್ಣ ಹಚ್ಚಲಿದ್ದಾರೆ.

ವೆಬ್‌ ಸರಣಿ‌ ಬಗ್ಗೆ ಈಗಾಗಲೇ ಸುರೇಶ್‌ ಬಾಬು ಹಾಗೂ ವೆಂಕಟೇಶ್‌ ದಗ್ಗುಬಾಟಿ ಮಾತುಕತೆ ನಡೆಸಿದ್ದಾರೆ. ಈ ವೆಬ್‌ ಸರಣಿಯನ್ನು ‘ನುವ್ವು ನೇನು’ ಖ್ಯಾತಿಯ ತೇಜ ನಿರ್ದೇಶನ ಮಾಡಲಿದ್ದಾರೆ. ಮೇ ತಿಂಗಳೊಳಗೆ ಇದರ ಸ್ಕ್ರಿಪ್ಟ್‌ ಕೆಲಸ ಮುಗಿಯಲಿದೆ. ಲಾಕ್‌ಡೌನ್‌ ಮುಗಿದ ನಂತರ ಇದರ ಬಗ್ಗೆ ಅಧಿಕೃತವಾಗಿ ಘೋಷಿಸಲಿದ್ದಾರೆ ಎಂದು ಚಿತ್ರತಂಡದ ಮೂಲಗಳು ತಿಳಿಸಿವೆ.