ದರ್ಶನ್ ಅಭಿಮಾನಿಗಳಿಗೆ ಸಿಹಿ ಸುದ್ದಿ: ‘ದಿ ಡೆವಿಲ್’ ಕುರ್ಚಿ ಮೇಲೆ ನೀವು ಕೂರಬಹುದು

ನಟ ದರ್ಶನ್ ಅಭಿಮಾನಿಗಳಿಗೆ ‘ದಿ ಡೆವಿಲ್’ ಚಿತ್ರತಂಡ ಅಪ್‌ಡೇಟ್‌ ಒಂದನ್ನು ನೀಡಿದೆ. ದಿ ಡೆವಿಲ್ ಸಿನಿಮಾದ ಹಾಡೊಂದರಲ್ಲಿ ನಟ ದರ್ಶನ್‌ ಕುಳಿತುಕೊಂಡಿದ್ದ ಕುರ್ಚಿಯನ್ನು ಈಗ ಅಭಿಮಾನಿಗಳ ಪ್ರದರ್ಶನಕ್ಕೆ ಇಡಲು ಚಿತ್ರತಂಡ ನಿರ್ಧರಿಸಿದೆ.

ಈ ಕುರಿತು ಶ್ರೀ ಜೈಮಾತಾ ಕಂಬೈನ್ಸ್ ಸಾಮಾಜಿಕ ಮಾಧ್ಯಮ ಎಕ್ಸ್‌ನಲ್ಲಿ ಮಾಹಿತಿ ಹಂಚಿಕೊಂಡಿದೆ. ಪೋಸ್ಟ್‌ನಲ್ಲಿ 'ಡೆವಿಲ್' ಸಿನಿಮಾದ ನಾಯಕಿ ರಚನಾ ರೈ ಅವರು ಮಾಹಿತಿ ನೀಡಿದ್ದಾರೆ. ಅದರ ಜೊತೆಗೆ ‘ಕನ್ನಡ ಕಲಾಭಿಮಾನಿಗಳೇ ‘ದಿ ಡೆವಿಲ್’ ಕುರ್ಚಿ ನಿಮಗಾಗಿ ಓರಾಯನ್ ಮಾಲ್ ಕೆರೆಯ ಪಕ್ಕದಲ್ಲಿ ಇರಿಸಲಾಗಿದೆ. ಹೋಗಿ ಮಜಾ ಮಾಡಿ’ ಎಂದು ಬರೆದುಕೊಂಡಿದೆ.

ಇನ್ನು, ದಿ ಡೆವಿಲ್‌ ಸಿನಿಮಾಗಾಗಿಯೇ ಚಿತ್ರತಂಡ ಈ ಕುರ್ಚಿಯನ್ನು ತಯಾರಿಸಿತ್ತು. ಇದೀಗ ಈ ಕುರ್ಚಿ ಮೇಲೆ ಅಭಿಮಾನಿಗಳು ಕುಳಿತುಕೊಳ್ಳುವ ಅವಕಾಶವನ್ನು ಚಿತ್ರತಂಡ ನೀಡಿದೆ. ದಿ ಡೆವಿಲ್‌ ಸಿನಿಮಾ ಡಿಸೆಂಬರ್ 11ರಂದು ಬಿಡುಗಡೆಯಾಗಲಿದೆ. ಮಿಲನಾ ಪ್ರಕಾಶ್ ಅವರ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಸಿನಿಮಾದಲ್ಲಿ ದರ್ಶನ್, ರಚನಾ ರೈ, ಶರ್ಮಿಳಾ ಮಾಂಡ್ರೆ ಮುಂತಾದವರು ನಟಿಸಿದ್ದಾರೆ.