₹10 ಲಕ್ಷ ಮೌಲ್ಯದ ತೊಟ್ಟಿಲು ಖರೀದಿಸಿದ ಧ್ರುವ ಸರ್ಜಾ!

ತುಂಬು ಗರ್ಭಿಣಿ ಮೇಘನಾ ರಾಜ್‌ ಅವರ ಸೀಮಂತ ಕಾರ್ಯವನ್ನು ಎರಡೂ ಕುಟುಂಬಗಳು ಸೇರಿ ಇತ್ತೀಚೆಗಷ್ಟೇ ಅದ್ಧೂರಿಯಾಗಿ ಮಾಡಿದ್ದವು. ಮನೆಗೆ ಹೊಸ ಅತಿಥಿ ಅಂದರೆ ಚಿರು ಅವರ ವಾರಸುದಾರ/ಳನ್ನು ಬರಮಾಡಿಕೊಳ್ಳಲು ಇದೀಗ ದಿನಗಣನೆ ಮಾಡುತ್ತಿದ್ದಾರೆ ಕುಟುಂಬದ ಸದಸ್ಯರು.

ಈ ನಡುವೆ ಚಿರು ಸಹೋದರ ಧ್ರುವ ಸರ್ಜಾ ಅವರು, ತಮ್ಮ ಕುಟುಂಬಕ್ಕೆ ಬರಲಿರುವ ಪುಟಾಣಿಯನ್ನು ಅದ್ಧೂರಿಯಾಗಿ ಸ್ವಾಗತಿಸಲು ಬೆಳ್ಳಿಯ ತೊಟ್ಟಿಲನ್ನೇ ಖರೀಸಿದ್ದಾರೆ. ಅದರ ಬೆಲೆ ಬರೋಬರಿ ₹10 ಲಕ್ಷ.

ಮೇಘನಾ ಅವರ ಸೀಮಂತ ಶಾಸ್ತ್ರವನ್ನು ಜೆಪಿ ನಗರದ ತಮ್ಮ ಮನೆಯಲ್ಲಿ ಕುಟುಂಬ ಸದಸ್ಯರು ಇತ್ತೀಚೆಗಷ್ಟೇ ನೆರವೇರಿಸಿದ್ದರು. ಹೋಟೆಲ್‌ವೊಂದರಲ್ಲಿ ಬೇಬಿ ಶವರ್ ಆಯೋಜಿಸಿ, ಈ ಕಾರ್ಯಕ್ರಮಕ್ಕೆ ಅವರ ಕುಟುಂಬದ ಆಪ್ತರಿಗೆ ಮಾತ್ರ ಆಹ್ವಾನ ನೀಡಲಾಗಿತ್ತು.