‘ಎವರಿಒನ್ ವಾಂಟ್ಸ್ ದಿಸ್’ ಚಿತ್ರ ತೆರೆಗೆ ಶೀಘ್ರ

ಬಹುತೇಕ ಹೊಸಬರಿಂದಲೇ ‘ಎವರಿಒನ್ ವಾಂಟ್ಸ್ ದಿಸ್’ ಚಿತ್ರದ ‘ವಿಭಿನ್ನ ಅಲೆಗಳ’ ಎಂಬ ಹಾಡು ಇತ್ತೀಚೆಗಷ್ಟೆ ಬಿಡುಗಡೆಗೊಂಡಿದೆ. ನಹೇಶ್ ಪೋಲ್ ಈ ಚಿತ್ರದ ನಿರ್ದೇಶನದ ಜತೆಗೆ ನಾಯಕನಾಗಿಯೂ ನಟಿಸಿದ್ದಾರೆ. 

‘ನಮ್ಮ ನಿರ್ಮಾಣ ಸಂಸ್ಥೆಯಿಂದ 2026ರಲ್ಲಿ ಮೂರು ಸಿನಿಮಾಗಳನ್ನು ನಿರ್ಮಾಣ ಮಾಡುವ ಗುರಿ ಹೊಂದಿದ್ದೇವೆ. ‘ಎವರಿಒನ್ ವಾಂಟ್ಸ್ ದಿಸ್’ ತೊಂಬತ್ತು ನಿಮಿಷಗಳ ಅವಧಿಯ ಸಿನಿಮಾ. ದುಡ್ಡಿನ ಆಸೆಗಾಗಿ ವಜ್ರ ದರೋಡೆ ಮಾಡಿದಾಗ, ಅದರಿಂದಾಗುವ ಅನಾಹುತಗಳನ್ನು ಕಾಮಿಡಿ ಹಾಗೂ ಥ್ರಿಲ್ಲರ್ ಮಾದರಿಯಲ್ಲಿ ಹೇಳಿದ್ದೇವೆ. ಶೀಘ್ರದಲ್ಲಿಯೇ ಚಿತ್ರ ತೆರೆಗೆ ಬರಲಿದೆ’ ಎಂದರು ನಿರ್ದೇಶಕ.

ರ‍್ಯಾಡಿಕಲ್ ಕಾನ್ಸೆಪ್ಟ್‌ ಸ್ಟುಡಿಯೊ ಬಂಡವಾಳ ಹೂಡಿದೆ. ಚಿತ್ರಕ್ಕೆ ನಿರ್ದೇಶಕರೇ ಸಂಗೀತ ನೀಡಿದ್ದಾರೆ. ಚಿತ್ರದಲ್ಲಿ ಒಟ್ಟು ಆರು ಹಾಡುಗಳಿವೆ. ‘ವಿಭಿನ್ನ ಅಲೆಗಳ’ ಹಾಡು ಕನ್ನಡ, ಇಂಗ್ಲೀಷ್, ಹಿಂದಿ, ತೆಲುಗು ಮತ್ತು ತಮಿಳು ಭಾಷೆಗಳಲ್ಲಿ ಬಿಡುಗಡೆಗೊಂಡಿದೆ. ಸಾಗರ್‌ ಮೂರ್ತಿ ಛಾಯಾಚಿತ್ರಗ್ರಹಣವಿದೆ. ಅಕ್ಷರ ಸುರೇಶ್ ನಾಯಕಿ.