ನಿರ್ದೇಶಕ ಸಂಜಯ್ ಗುಪ್ತಾ ತಮ್ಮ ಮುಂದಿನ ಬಹುನಿರೀಕ್ಷಿತ ಚಿತ್ರ ‘ಮುಂಬೈ ಸಾಗಾ’ದ ಫಸ್ಟ್ ಲುಕ್ ಅನ್ನು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ. ಗ್ಯಾಂಗ್ಸ್ಟರ್ ಪಾತ್ರದಲ್ಲಿರುವ ಜಾನ್ ಅಬ್ರಹಾಂ ಗಮನ ಸೆಳೆಯುತ್ತಾರೆ.
ಈ ಚಿತ್ರದ ಮೂಲಕ ಜಾನ್ ಅಬ್ರಹಾಂ ಮತ್ತೊಮ್ಮೆ ಗ್ಯಾಂಗ್ಸ್ಟರ್ ಪಾತ್ರದಲ್ಲಿ ಮಿಂಚಲಿದ್ದಾರೆ. ಈ ಚಿತ್ರದಲ್ಲಿ ಅವರು ಗಣಪತ್ ರಾಯ್ ಎಂಬ ಪಾತ್ರ ನಿರ್ವಹಿಸಿದ್ದಾರೆ. ‘ಇದು ‘ಮುಂಬೈ ಸಾಗಾ’ ಸಿನಿಮಾದಲ್ಲಿನ ಫೇವರಿಟ್ ದೃಶ್ಯ. ಈ ಮುಂಚೆಜಾನ್ ಅಬ್ರಹಾಂ ಅವರನ್ನು ಈ ತರ ನೀವು ನೋಡಿರಲ್ಲ’ ಎಂದು ಸಂಜಯ್ ಗುಪ್ತಾ ಟ್ವೀಟ್ ಮಾಡಿರುವುದು ಚಿತ್ರದ ಬಗ್ಗೆ ಕುತೂಹಲ ಹೆಚ್ಚು ಮಾಡಿದೆ.
ಇದಕ್ಕೂ ಮೊದಲುಮಾನ್ಯ ಸುರ್ವೆ ಅವರ ‘ಶೂಟೌಟ್ ಎಟ್ ವಡಾಲಾ’ ಚಿತ್ರದಲ್ಲಿ ಅಬ್ರಹಾಂ ಗ್ಯಾಂಗ್ಸ್ಟರ್ ಪಾತ್ರ ಮಾಡಿದ್ದರು. ಇದು 2013ರಲ್ಲಿ ಬಿಡುಗಡೆಯಾಗಿತ್ತು. ಈ ಚಿತ್ರವನ್ನೂ ನಿರ್ದೇಶಿಸಿದ್ದವರೂ ಸಂಜಯ್ ಗುಪ್ತಾ.
‘ಮುಂಬೈ ಸಾಗಾ’ ಚಿತ್ರದಲ್ಲಿ ಸುನಿಲ್ ಶೆಟ್ಟಿ, ಜಾಕಿ ಶ್ರಾಫ್, ಇಮ್ರಾನ್ ಹಶ್ಮಿ, ಕಾಜಲ್ ಅಗರ್ವಾಲ್, ಪ್ರತೀಕ್ ಬಬ್ಬರ್, ಗುಲ್ಶನ್ ಗ್ರೋವರ್ ಸೇರಿದಂತೆ ದೊಡ್ಡ ತಾರಾ ಬಳಗವೇ ಇದೆ.ಈ ಚಿತ್ರ ಸೆಟ್ಟೇರುವುವ ಮಾಹಿತಿಯನ್ನು ಸಂಜಯ್ ಗುಪ್ತಾ 2019ರ ಜೂನ್ ತಿಂಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದರು. ಜಾನ್ ಅಭಿನಯದ ‘ಪಾಗಲ್ಪಂತಿ’ ಸಿನಿಮಾವು 2019ರಲ್ಲಿ ಬಿಡುಗಡೆಯಾಗಿತ್ತು.
ಇದನ್ನೂ ಓದಿ:ಜಾನ್ ಅಬ್ರಹಾಂ ಜತೆ ಕಾಜಲ್ ಅಗರ್ವಾಲ್
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.