‘ಅಧ್ಯಕ್ಷ‘ ಖ್ಯಾತಿಯ ನಟಿ ಅರೋಹಿತ ಎಎಪಿ ಸೇರ್ಪಡೆ

ಬೆಂಗಳೂರು: ಚಂದನವನದ ನಟಿ ಹಾಗೂ ‘ಅಧ್ಯಕ್ಷ‘ ಸಿನಿಮಾ ಖ್ಯಾತಿಯ ನಟಿ ಅರೋಹಿತ (ಪ್ರಿಯಾಂಕ)ಆಮ್‌ ಆದ್ಮಿ ಪಾರ್ಟಿಗೆ ಸೇರ್ಪಡೆಯಾಗಿದ್ದಾರೆ.

ಆಮ್‌ ಆದ್ಮಿ ಪಕ್ಷ (ಎಎಪಿ)ದ ರಾಜ್ಯಾಧ್ಯಕ್ಷ ಪೃಥ್ವಿ ರೆಡ್ಡಿ ಅವರು ಅರೋಹಿತ ಅವರನ್ನು ಪಕ್ಷಕ್ಕೆ ಬರಮಾಡಿಕೊಂಡರು. ನಂತರ ಮಾತನಾಡಿದ ಅವರು ಅರೋಹಿತ ಅಂತಹ ಯುವ ಪ್ರತಿಭೆಗಳು ಸಮಾಜದಲ್ಲಿ ಬದಲಾವಣೆ ತರಬೇಕು. ಇಂತಹಹಂಬಲದೊಂದಿಗೆ ಅವರು ಎಎಪಿ ಸೇರುತ್ತಿದ್ದಾರೆ ಎಂದರು.

ಕರಾಟೆ ಪಟುವಾಗಿರುವ ಅರೋಹಿತ ಬಿ.ಕಾಂ ಪದವಿ ಪಡೆದಿದ್ದಾರೆ. ರಾಜಕೀಯವಾಗಿ ತುಂಬಾ ತಿಳಿದುಕೊಂಡಿರುವ ಅವರು ಪಕ್ಷದ ದೆಹಲಿ ಕಾರ್ಯಕ್ರಮಗಳ ಬಗ್ಗೆ ತುಂಬಾ ಅರಿತಿದ್ದಾರೆ ಎಂದು ಎಎಪಿ ಪಕ್ಷ ಟ್ವೀಟ್‌ ಮಾಡಿದೆ.

ಅರೋಹಿತ ಅವರು ಆಟಗಾರ, ಕಿರಿಕ್‌ ಪಾರ್ಟಿ, ಜಗ್ಗಿ, ಭಾಗ್ಯ ರಾಜ್‌,ರಾಜರಾಜೇಂದ್ರ, ಆಯುಷ್ಮಾನ್‌ ಭವ ಸೇರಿದಂತೆ ಹಲವಾರು ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಇವನ್ನೂ ಓದಿ
*ಉರ್ಫಿ ಜಾವೇದ್ ಫೋಟೊಶೂಟ್‌ಗೆ ರಣವೀರ್ ಸಿಂಗ್ ಸ್ಫೂರ್ತಿ!
*ಬೇರ್ ಗ್ರಿಲ್ಸ್‌ರನ್ನು ತಬ್ಬಿಕೊಂಡು ಮುತ್ತಿಟ್ಟ ನಟ ರಣವೀರ್ ಸಿಂಗ್!
*ಅಮೆರಿಕ ಪ್ರವಾಸದಲ್ಲಿ ದೀಪಿಕಾ ಪಡುಕೋಣೆ–ರಣವೀರ್ ಸಿಂಗ್: ಫೋಟೊ ವೈರಲ್