ವಿಜಯ್ ದೇವರಕೊಂಡ ಸಿಂಗಲ್‌: ಕಾಫಿ ವಿತ್ ಕರಣ್‌ನಲ್ಲಿ ಬಯಲಾಯ್ತು ಸತ್ಯ!
ಕರಣ್ ಜೋಹರ್ ಅವರ ‘ಕಾಫಿ ವಿತ್ ಕರಣ್’ ಶೋ ಬಾಲಿವುಡ್‌ ನಟ–ನಟಿಯರ ಗಾಸಿಪ್‌ನಿಂದ ಸದಾ ಸುದ್ದಿಯಲ್ಲಿರುತ್ತದೆ. ಹೆಚ್ಚಾಗಿ ಸಿನಿ ತಾರೆಯರ ವೈಯಕ್ತಿಕ ಬದುಕಿಗೆ ಸಂಬಂಧಿಸಿದ, ಸಂಬಂಧಗಳ ಕುರಿತಾದ ಪ್ರಶ್ನೆಗಳನ್ನೇ ಇಲ್ಲಿ ಕೇಳಲಾಗುತ್ತದೆ. ಎಷ್ಟೋ ನಟನಟಿಯರು ಇಲ್ಲಿಗೆ ಬಂದು ಇರಿಸುಮುರಿಸಾಗುವ ಪ್ರಸಂಗಗಳು ನಡೆದಿವೆ.
ಸೂಪರ್‌ಹಿಟ್‌ ‘ಗೀತಾಗೋವಿಂದಂ’ ಸಿನಿಮಾದ ಬಳಿಕ ವಿಜಯ್ ದೇವರಕೊಂಡ ಹಾಗೂ ರಶ್ಮಿಕಾ ಮಂದಣ್ಣ ಕುರಿತಾದ ಸಾಕಷ್ಟು ಗಾಳಿಸುದ್ದಿಗಳು ಹರಿದಾಡಿತ್ತು. ಆದರೆ ಲೈಗರ್‌ ನಾಯಕ ಈಗಲೂ ಸಿಂಗಲ್‌ ಎಂದು ಕರಣ್ ಜೋಹರ್ ಹೇಳಿ ಅಚ್ಚರಿ ಮೂಡಿಸಿದ್ದಾರೆ.
ಹಾಟ್‌ಸ್ಟಾರ್‌ನಲ್ಲಿ ಪ್ರಸಾರವಾಗುತ್ತಿರುವ ‘ಕಾಫೀ ವಿತ್ ಕರಣ್ ಸೀಸನ್ 7’ ಒಟಿಟಿ ವೇದಿಕೆಗಳಲ್ಲಿ ಅತಿ ಹೆಚ್ಚು ಗಮನ ಸೆಳೆದಿತ್ತು. ನಿರೂಪಕ ಕರಣ್ ಜೋಹರ್ ಅವರು ನಡೆಸಿ ಕೊಡುತ್ತಿರುವ ಈ ಕಾರ್ಯಕ್ರಮಲ್ಲಿ ತಾರಾ ಸೆಲಿಬ್ರಿಟಿಗಳು ಕಾಣಿಸಿಕೊಂಡಿದ್ದರು.
ನಾಲ್ಕನೇ ಎಪಿಸೋಡ್‌ನಲ್ಲಿ ಟಾಲಿವುಡ್ ನಟ ವಿಜಯ್ ದೇವರಕೊಂಡ ಹಾಗೂ ನಟಿ ಅನನ್ಯಾ ಪಾಂಡೆ ಭಾಗವಹಿಸಿದ್ದರು. ಕರಣ್ ಜೋಹರ್ ಅವರು ವಿಜಯ್ ದೇವರಕೊಂಡ ಅವರಿಗೆ ಕೇಳಿರುವ ಪ್ರಶ್ನೆ ಹಾಗೂ ಅದಕ್ಕೆ ಅನನ್ಯಾ ಪಾಂಡೆ ಕೊಟ್ಟ ಉತ್ತರ ವೈರಲ್‌ ಆಗಿತ್ತು. ‘ನೀವು ಕೊನೆ ಬಾರಿಗೆ ಯಾವಾಗ ಸೆಕ್ಸ್‌ ಮಾಡಿದ್ದೀರಿ’? ಎಂದು ಕರಣ್ ವಿಜಯ್‌ಗೆ ಕೇಳಿದರೆ ವಿಜಯ್ ನಾಚಿಕೊಂಡು ನಕ್ಕು ಸುಮ್ಮನಾಗಿದ್ದರು. ಆದರೆ, ಅನನ್ಯಾ ಪಾಂಡೆ, ‘ನನಗೆ ಗೊತ್ತು, ಇವತ್ತು ಮುಂಜಾನೆಯೇ ಅವರು ಸೆಕ್ಸ್‌ ಮಾಡಿರಬಹುದು’ ಎಂದು ಹೇಳಿದ್ದಕ್ಕೆ ಕರಣ್ ಅಚ್ಚರಿ ವ್ಯಕ್ತಪಡಿಸಿದ್ದರು.
ಫಿನಾಲೆಯಲ್ಲಿ ಈ ಬಗ್ಗೆ ಮಾತನಾಡಿರುವ ಕರಣ್, ಲೈಗರ್‌ ತಾರೆ ವಿಜಯ್ ದೇವರಕೊಂಡ ಕೂಡ ಅನನ್ಯಾ ಪಾಂಡೆಯಂತೆಯೇ ಸಿಂಗಲ್‌ ಎಂಬ ಅರ್ಥದಲ್ಲಿ ಕಾಲೆಳೆದಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.