ಮಲಯಾಳಂ ಸೂಪರ್‌ ಸ್ಟಾರ್ ಮಮ್ಮುಟ್ಟಿಗೆ ಕೋವಿಡ್; 'ಸಿಬಿಐ 5' ಚಿತ್ರೀಕರಣ ಸ್ಥಗಿತ

ತಿರುವನಂತಪುರಂ: ಮಲಯಾಳಂ ಸೂಪರ್‌ ಸ್ಟಾರ್ ಮಮ್ಮುಟ್ಟಿ ಅವರಿಗೆ ಭಾನುವಾರ ಕೊರೊನಾ ವೈರಸ್ ಸೋಂಕು ತಗುಲಿರುವುದು ಪತ್ತೆಯಾಗಿದೆ. ಈ ಬೆಳವಣಿಗೆಯನ್ನು ಗಮನದಲ್ಲಿಟ್ಟುಕೊಂಡು ಕೆ.ಮಧು ನಿರ್ದೇಶನದ ಅವರ ಸಿನಿಮಾ 'ಸಿಬಿಐ 5' ಚಿತ್ರೀಕರಣವನ್ನು ಸ್ಥಗಿತಗೊಳಿಸಲಾಗಿದೆ.

ಸದ್ಯ ನಟನ ಆರೋಗ್ಯದ ಬಗ್ಗೆ ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗುತ್ತಿದೆ. 'ಸಿಬಿಐ 5' ಸಿನಿಮಾವು ಕೆ. ಮಧು ನಿರ್ದೇಶನದ ಸರಣಿ ಚಲನಚಿತ್ರಗಳ ಪೈಕಿ ಐದನೆಯದು. ಈ ಎಲ್ಲ ಸಿನಿಮಾಗಳು ಈಗಾಗಲೇ ಹಿಟ್ ಆಗಿವೆ.

ಮಮ್ಮುಟ್ಟಿ ಅವರು 'ಸಿಬಿಐ 5' ಚಿತ್ರದಲ್ಲಿ ಸೇತುರಾಮನ್ ಅಯ್ಯರ್ ಅವರ ಪ್ರಮುಖ ಪಾತ್ರವನ್ನು ನಿರ್ವಹಿಸಿದ್ದಾರೆ. ಚಿತ್ರದಲ್ಲಿ ಮುಕೇಶ್ ಮತ್ತು ಜಗತಿ ಶ್ರೀಕುಮಾರ್ ಸೇರಿದಂತೆ ಪ್ರಮುಖ ತಾರಾಗಣವಿದೆ.