PHOTOS: ವಿವಾಹ ಹೊಸ್ತಿಲಲ್ಲಿ ನಾಗಚೈತನ್ಯ– ಶೋಭಿತಾ ಜೋಡಿಗೆ ಅರಿಶಿಣದ ಮಂಗಳ ಸ್ನಾನ

ತೆಲುಗು ನಟ ನಾಗಚೈತನ್ಯ ಹಾಗೂ ಶೋಭಿತಾ ಧೂಲಿಪಾಲ ಅವರ ವಿವಾಹವು ಡಿ. 4ರಂದು ನೆರವೇರಲಿದೆ. ವಿವಾಹ ಮಹೋತ್ಸವದ ಆರಂಭವು ಅರಿಶಿಣ ಶಾಸ್ತ್ರದ ಮಂಗಳ ಸ್ನಾನದೊಂದಿಗೆ ಶುಕ್ರವಾರ ಆರಂಭಗೊಂಡಿದೆ.

ಮದುವೆ ಸಮಾರಂಭದ ಚಿತ್ರ ಹಾಗೂ ವಿಡಿಯೊಗಳನ್ನು ಈ ಜೋಡಿ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ

ತೆಲುಗು ನಟ ನಾಗಾರ್ಜುನ ಅಕ್ಕಿನೇನಿ ಅವರ ಪುತ್ರ ನಾಗಚೈತನ್ಯ ಹಾಗೂ ನಟಿ ಸಮಂತಾ ರುತ್ ಪ್ರಭು ನಡುವಿನ ವಿವಾಹ ಮುರಿದುಬಿದ್ದ ನಂತರ, ಶೋಭಿತಾ ಅವರೊಂದಿಗೆ ನಾಗಚೈತನ್ಯ ಎರಡನೇ ವಿವಾಹವಾಗುತ್ತಿದ್ದಾರೆ.

ಸುಮಾರು ಒಂದೂವರೆ ವರ್ಷಗಳ ಕಾಲ ಪರಸ್ಪರ ಡೇಟಿಂಗ್ ನಡೆಸಿದ ಈ ಜೋಡಿ, ಇದೀಗ ಹಸೆಮಣೆ ಏರುವ ತವಕದಲ್ಲಿದ್ದಾರೆ.

ಈ ಜೋಡಿಯ ವಿವಾಹಕ್ಕೆ ಹೈದರಾಬಾದ್‌ನ ಅನ್ನಪೂರ್ಣಾ ಸ್ಟುಡಿಯೊದಲ್ಲಿ ಸಿದ್ಧತೆಗಳು ಆರಂಭಗೊಂಡಿವೆ. ವಿವಾಹದ ಆಮಂತ್ರಣ ಪತ್ರಿಕೆಯನ್ನೂ ಹಂಚಿಕೊಂಡಿದ್ದು, ಅದು ದಕ್ಷಿಣ ಭಾರತದ ಶೈಲಿಯಲ್ಲಿದೆ. 

ಅಕ್ಟೋಬರ್‌ 8ರಂದು ತಮ್ಮ ವಿವಾಹ ನಿಶ್ಚಯವಾಗುತ್ತಿದ್ದಂತೆ ಶೋಭಿತಾ ಅವರೊಂದಿಗೆ ಕಪ್ಪು ವರ್ಣದ ಧಿರಿಸು ತೊಟ್ಟ ಚಿತ್ರವನ್ನು ಹಂಚಿಕೊಂಡಿದ್ದರು. ಲಿಫ್ಟ್‌ನ ಮಿರರ್‌ ಸೆಲ್ಫಿಯಲ್ಲಿ ಕಂಗೊಳಿಸಿದ್ದ ಈ ಜೋಡಿ, ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿರುವುದನ್ನು ಬಹಿರಂಗಗೊಳಿಸಿದ್ದರು.

ನಟ ನಾಗಾರ್ಜುನ ಅಕ್ಕಿನೇನಿ ಜೊತೆ ಶೋಭಿತಾ ಧೂಲಿಪಾಲ ಹಾಗೂ ನಾಗಚೈತನ್ಯ