ವಿಡಿಯೊ ನೋಡಿ: ಚಿತ್ರೀಕರಣದ ವೇಳೆ ಪಾಪ್‌ ಗಾಯಕಿಗೆ ಕಚ್ಚಿದ ಹಾವು

ಹಾಲಿವುಡ್‌ ಪಾಪ್‌ ಗಾಯಕಿ ಹಾಗೂ ನಟಿ ಮೇಟಾ ಅವರಿಗೆ ವಿಡಿಯೊ ಸಾಂಗ್‌ ಚಿತ್ರೀಕರಣ ಮಾಡುವ ಸಂದರ್ಭದಲ್ಲಿ ಹಾವು ಕಚ್ಚಿದೆ.

ಈ ಬಗ್ಗೆ ಮೇಟಾ ಸಾಮಾಜಿಕ ಜಾಲತಾಣಗಳ ಮೂಲಕ ಮಾಹಿತಿ ಹಂಚಿಕೊಂಡಿದ್ದು ಯಾವುದೇ ಅಪಾಯ ಸಂಭವಿಸಿಲ್ಲ ಎಂದು ಹೇಳಿದ್ದಾರೆ.

ಹಾವುಗಳನ್ನು ಮೈಮೇಲೆ ಹಾಕಿಕೊಂಡು ಮೇಟಾ ಹಾಡುತ್ತಿರುವುದನ್ನು ಚಿತ್ರೀಕರಣ ಮಾಡಲಾಗುತ್ತಿತ್ತು. ಇದೇ ಸಮಯದಲ್ಲಿಹಾವೊಂದು ಮೇಟಾ ಗಲ್ಲಕ್ಕೆಕಚ್ಚಿದೆ. ಕೂಡಲೇ ಚಿತ್ರೀಕರಣ ನಿಲ್ಲಿಸಿ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು ಎಂದು ಅವರು ಹೇಳಿಕೊಂಡಿದ್ದಾರೆ.

ಒಂದು ವಾರ ತಡವಾಗಿ ಹಾವು ಕಚ್ಚಿರುವ ಪೋಸ್ಟ್‌ ಹಾಕಿಕೊಂಡಿದ್ದಾರೆ.ಜೊತೆಗೆ ವಿಡಿಯೊವನ್ನು ಶೇರ್‌ಮಾಡಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ.