ಪ್ರತೀಕ್ ಗಾಂಧಿ ಅಭಿನಯದ 'ಫುಲೆ' ಸಿನಿಮಾ ಏಪ್ರಿಲ್ 11 ರಂದು ಬಿಡುಗಡೆ

ಮುಂಬೈ: ನಟ ಪ್ರತೀಕ್ ಗಾಂಧಿ ಅಭಿನಯದ 'ಫುಲೆ' ಸಿನಿಮಾ ಏಪ್ರಿಲ್ 11ರಂದು ತೆರೆ ಕಾಣಲಿದೆ.

ಹಿರಿಯ ನಟ ಅನಂತ್ ಮಹದೇವನ್ ಬರೆದು ನಿರ್ದೇಶಿಸಿದ ಈ ಚಿತ್ರದಲ್ಲಿ ಪ್ರತೀಕ್‌ ಅವರು, ಸಾಮಾಜಿಕ ಕಾರ್ಯಕರ್ತ ಹಾಗೂ ಸುಧಾರಕನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರೆ, ನಟಿ ಪತ್ರಲೇಖಾ ಅವರು ಶಿಕ್ಷಣತಜ್ಞೆ ಸಾವಿತ್ರಿಬಾಯಿ ಫುಲೆ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಇಂದು ಸಾವಿತ್ರಿಬಾಯಿ ಫುಲೆ ಅವರ ಜನ್ಮದಿನ. ಈ ಸಂದರ್ಭದಲ್ಲಿ ಡ್ಯಾನ್ಸಿಂಗ್ ಶಿವ ಫಿಲ್ಮ್ಸ್, ಕಿಂಗ್ಸ್‌ಮೆನ್ ಪ್ರೊಡಕ್ಷನ್ಸ್ ಮತ್ತು ಜೀ ಸ್ಟುಡಿಯೋಸ್ ಚಿತ್ರದ ಬಿಡುಗಡೆಯ ದಿನಾಂಕವನ್ನು ಅಧಿಕೃತವಾಗಿ ಘೋಷಿಸಿವೆ.

ಈ ಚಿತ್ರವು ಫುಲೆಯವರ ಜೀವನದ ಅನೇಕ ವಿಷಯಗಳನ್ನು ತೆರೆದಿಡುತ್ತದೆ ಎಂದು ಮಹದೇವನ್ ಸಾಮಾಜಿಕ ಜಾಲತಾಣ ಎಕ್ಸ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ.