’ಎಸ್‌ಆರ್‌ಕೆ+’ ಒಟಿಟಿ ಘೋಷಣೆ ಮಾಡಿದ ಶಾರುಖ್‌ ಖಾನ್‌ 

ಬಾಲಿವುಡ್‌ ಸ್ಟಾರ್‌ ನಟ ಶಾರುಖ್‌ ಖಾನ್‌ ’ಪಠಾಣ್‌’ ಸಿನಿಮಾದ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿರುವ ಮಧ್ಯೆಯೇ ಹೊಸ ಒಟಿಟಿ ವೇದಿಕೆ ಪರಿಚಯಿಸುವುದಾಗಿ ಘೋಷಿಸಿದ್ದಾರೆ.

’ಎಸ್‌ಆರ್‌ಕೆ+’ (SRK+) ಒಟಿಟಿಯನ್ನು ಶೀಘ್ರದಲ್ಲೇ ಲೋಕಾರ್ಪಣೆ ಮಾಡಲಾಗುವುದು ಎಂದು ಸಾಮಾಜಿಕ ಮಾಧ್ಯಮಗಳ ಮೂಲಕ ಪ್ರಕಟಿಸಿದ್ದಾರೆ.

ಅಭಿಮಾನಿಗಳು ಸೇರಿದಂತೆ ಬಾಲಿವುಡ್‌ ತಾರೆಯರು ಶಾರುಖ್‌ಗೆ ಶುಭಾಶಯಗಳನ್ನು ಹೇಳಿದ್ದಾರೆ.

’ಎಸ್‌ಆರ್‌ಕೆ+’ ಒಟಿಟಿ ಬಗ್ಗೆ ಶಾರುಖ್‌ ಹೆಚ್ಚಿನ ಮಾಹಿತಿ ಹಂಚಿಕೊಂಡಿಲ್ಲ. ಶೀಘ್ರವೇ ಬರಲಿದೆ ಎಂದು ಒಟಿಟಿಯ ಲೋಗೊ ಇರುವ ಪೋಸ್ಟರ್‌ ಹಂಚಿಕೊಂಡಿದ್ದಾರೆ.

ಇದು ಈ ವರ್ಷದ ಬ್ರೇಕಿಂಗ್‌ ಸುದ್ದಿ ಎಂದು ನಿರ್ದೇಶಕ ಕರುಣ್‌ ಜೋಹರ್‌ ಟ್ವೀಟ್‌ ಮಾಡಿದ್ದಾರೆ.