ಮಹಿಳೆಯರ ಅವಹೇಳನಕಾರಿ ಟ್ರೋಲ್‌: ನಟಿ ಶೀತಲ್‌ಗೆ ಕೋಪ
ಟ್ರೋಲ್‌ ಪೇಜ್‌ಗಳಲ್ಲಿ ಮಹಿಳೆಯರನ್ನು ಅವಹೇಳನಕಾರಿಯಾಗಿ ಚಿತ್ರಿಸುವವರ ವಿರುದ್ಧ ನಟಿ ಶೀತಲ್‌ ಶೆಟ್ಟಿ ಗರಂ ಆಗಿದ್ದಾರೆ. ಅಂತಹ ಪುಟಗಳ ಸ್ಕ್ರೀನ್‌ಷಾಟ್‌ಗಳನ್ನು ಟ್ವಿಟರ್‌ನಲ್ಲಿ ಪ್ರಕಟಿಸಿರುವ ಶೀತಲ್‌, ಮಹಿಳೆಯ ದೇಹಕ್ಕೆ ಅವಮಾನಿಸುವ (ಬಾಡಿ ಶೇಮಿಂಗ್‌) ಪ್ರವೃತ್ತಿಯನ್ನು ಬಿಡಬೇಕು ಎಂದು ಒತ್ತಾಯಿಸಿದ್ದಾರೆ.
ಪುಟ್ಟ ಬರಹವೊಂದರಲ್ಲಿ ತಮ್ಮ ಅಸಹನೆ ವ್ಯಕ್ತಪಡಿಸಿರುವ ಅವರು, ‘ನನ್ನ ಕನ್ನಡ ತಾಯೊ ಬೇರೆಯವರನ್ನು ದ್ವೇಷಿಸಲು ನನಗೆ ಕಲಿಸಿಲ್ಲ. ನಮ್ಮ ಕನ್ನಡ ನಾಡಿನಲ್ಲಿ ಹೆಣ್ಣನ್ನು ಅಸಹ್ಯವಾಗಿ ನಿಂದಿಸುವ ಪರಿಪಾಠ ಇಲ್ಲ. ದಯವಿಟ್ಟು ಇವುಗಳಿಗೆ ಕನ್ನಡಮ್ಮನ ಅಭಿಮಾನದ ಹೆಸರನ್ನು ತರಬೇಡಿ. ಇದು ನಾನು ಒಬ್ಬರ ಬಗ್ಗೆ ಮಾತನಾಡುತ್ತಿಲ್ಲ. ಎಲ್ಲರ ಪರವಾಗಿ ಮಾತನಾಡುತ್ತಿದ್ದೇನೆ. ಟ್ರೋಲ್‌ ಪೇಜ್‌ಗಳನ್ನು ನಾನು ಫಾಲೋ ಮಾಡುತ್ತೇನೆ. ಚೆನ್ನಾಗಿರುವ ಮೀಮ್‌ಗಳನ್ನು ಆನಂದಿಸುತ್ತೇನೆ. ಆದರೆ, ಇದು ( ಅಸಹ್ಯಕರವಾಗಿ ಚಿತ್ರಿಸುವುದು) ಕ್ರಿಯೇಟಿವಿಟಿ ಅಲ್ಲ. ಇದನ್ನು ನೋಡಿ ಸುಮ್ಮನಿರಲು ಸಾಧ್ಯವಿಲ್ಲ. ಇಂಥವುಗಳನ್ನು ನೋಡಿ ಖುಷಿಪಡಬೇಡಿ. ಇದು ಸಮಾಜಕ್ಕೆ ಮಾರಕ. ಇಂಥವುಗಳನ್ನು ಖಂಡಿಸಿ. ನಮ್ಮ ನಾಡಿನ ಸ್ವಾಸ್ಥ್ಯ ಕಾಪಾಡಿ ಎಂದಿರುವ ಅವರು ನನ್ನ ಬೇಸರ ಟ್ರೋಲ್‌ ಪೇಜ್‌ಗಳ ವಿರುದ್ಧ ಅಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.