‘Afro ಟಾಪಾಂಗ್’ ಹಾಡು ತನ್ನಿಂದ ತಾನೇ ಕುಣಿಯುವಂತೆ ಮಾಡಿದೆ: ಶಿವಣ್ಣ

'45' ಚಿತ್ರದ ‘Afro ಟಾಪಾಂಗ್’ ಹಾಡು ಬಿಡುಗಡೆಯಾಗಿ ಪ್ರೇಕ್ಷಕರ ಗಮನ ಸೆಳೆದಿದೆ. ಈ ಹಾಡನ್ನು ಕುರಿತು ಶಿವಣ್ಣ ಅವರು ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ.

ಈ ಚಿತ್ರದಲ್ಲಿ ನಟಿಸಿ, ‘Afro ಟಾಪಾಂಗ್’ ಹಾಡಿಗೆ ಹೆಜ್ಜೆ ಹಾಕಿರುವ ಶಿವರಾಜ್‌ಕುಮಾರ್ ಅವರು, ‘ಅತಿಯಾದ ಆತ್ಮವಿಶ್ವಾಸ ಇಲ್ಲ. ನೃತ್ಯಕ್ಕಾಗಿ ನಮ್ಮ ದೇಹವನ್ನು ಒತ್ತಾಯವಾಗಿ ದೂಡಲು ಆಗುವುದಿಲ್ಲ. ಆದರೆ ‘Afro ಟಾಪಾಂಗ್’ ಸೌಂಡ್ಸ್ ತನ್ನಿಂದ ತಾನೇ ಕುಣಿಯುವಂತೆ ಮಾಡಿದೆ. ಈ ಹಾಡು ಬ್ಲಾಕ್‌ಬಸ್ಟರ್ ಆಗುತ್ತೆ ಅನ್ನುವ ಭರವಸೆ ಇದೆ’ ಎಂದಿದ್ದಾರೆ.

ಈ ಹಾಡಿಗೆ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್‌, ರಿಯಲ್ ಸ್ಟಾರ್ ಉಪೇಂದ್ರ, ರಾಜ್ ಬಿ ಶೆಟ್ಟಿ ಹೆಜ್ಜೆ ಹಾಕಿದ್ದಾರೆ.

'45' ಚಿತ್ರವನ್ನು ಅರ್ಜುನ್ ಜನ್ಯ ಅವರೇ ಕಥೆ-ಚಿತ್ರಕಥೆ ಹಾಗೂ ಸಂಗೀತ ಸಂಯೋಜಿಸಿದ್ದರೆ, ರಮೇಶ್ ರೆಡ್ಡಿ ನಿರ್ಮಾಣ ಮಾಡಿದ್ದಾರೆ. ಈ ಚಿತ್ರವು ಡಿ. 25ಕ್ಕೆ ತೆರೆ ಕಾಣಲಿದೆ.