ಉದ್ಯಮಿಯಾಗಿ ಯಶ ಕಂಡ ಪ್ರಿಯಾಂಕಾ ಚೋಪ್ರಾ: ರೆಸ್ಟೋರೆಂಟ್‌ಗೆ ವರ್ಷದ ಸಂಭ್ರಮ
Published 28 ಮಾರ್ಚ್ 2022, 6:00 IST
ನಟಿ ಪ್ರಿಯಾಂಕಾ ಚೋಪ್ರಾ
ಬೆಂಗಳೂರು: ಬಾಲಿವುಡ್‌ನಿಂದ ಹೊರಟು, ಹಾಲಿವುಡ್‌ನಲ್ಲಿ ಮಿಂಚುತ್ತಿರುವ ನಟಿ ಪ್ರಿಯಾಂಕಾ ಚೋಪ್ರಾ, ಉದ್ಯಮದಲ್ಲೂ ತೊಡಗಿಸಿಕೊಂಡಿದ್ದಾರೆ.
ನ್ಯೂಯಾರ್ಕ್‌ನಲ್ಲಿ ಅವರು ಆರಂಭಿಸಿದ, ಭಾರತೀಯ ವಿಶೇಷ ಖಾದ್ಯಗಳ ರೆಸ್ಟೋರೆಂಟ್‌ಗೆ ಈಗ ಒಂದು ವರ್ಷ ತುಂಬಿದೆ. ತಮ್ಮ ‘ಸೋನಾ‘ ರೆಸ್ಟೋರೆಂಟ್‌ಗೆ ವರ್ಷ ತುಂಬಿರುವ ಸಂಭ್ರಮದ ಸಂದರ್ಭದಲ್ಲಿ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿ ಧನ್ಯವಾದ ಅರ್ಪಿಸಿದ್ದಾರೆ.
ಫೋಟೊ ಹಾಗೂ ವಿಡಿಯೊ ಹಂಚಿಕೊಂಡಿರುವ ಅವರು, ತಮ್ಮನ್ನು ಪ್ರೋತ್ಸಾಹಿಸಿದ ಎಲ್ಲರಿಗೂ, ರೆಸ್ಟೋರೆಂಟ್ ಪಾಲುದಾರರಿಗೂ ಕೃತಜ್ಞತೆ ಸಲ್ಲಿಸಿದ್ದಾರೆ.
ನನ್ನ ಹೃದಯ ಮತ್ತು ಹೊಟ್ಟೆ ತುಂಬಿದೆ.. ಎಂಬ ಹಾಸ್ಯಭರಿತ ಸಾಲಿನೊಂದಿಗೆ ತಮ್ಮ ಪೋಸ್ಟ್ ಕೊನೆಗೊಳಿಸಿರುವ ಪ್ರಿಯಾಂಕಾ, ರೆಸ್ಟೋರೆಂಟ್‌ಗೆ ಒಂದು ವರ್ಷವಾಗಿರುವುದಕ್ಕೆ ತಮಗೆ ಸಂತಸವಾಗಿದೆ ಎಂದಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.