ಖುಷಿ ಕಪೂರ್ ಫೋಟೊಗೆ ಕಾಮೆಂಟ್ ಮಾಡಿದ ಸುಹಾನಾ ಖಾನ್, ಶಾನಾಯ ಕಪೂರ್

ಬೆಂಗಳೂರು: ಬಾಲಿವುಡ್‌ನ ಮುಂದಿನ ಪೀಳಿಗೆಯ ನಟಿಯರು ಎಂದೇ ಗುರುತಿಸಲ್ಪಡುವ, ಸುಹಾನಾ ಖಾನ್, ಖುಷಿ ಕಪೂರ್ ಮತ್ತು ಶಾನಾಯ ಕಪೂರ್ ಅವರ ಗೆಳೆತನವನ್ನು ಕಂಡವರು ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ.

ಪಾರ್ಟಿ ಮಾಡುವಾಗಲೂ, ಪ್ರವಾಸ ಹೋಗುವಾಗಲೂ ಇವರು ಜತೆಯಾಗಿಯೇ ಇರುತ್ತಾರೆ.

ಖುಷಿ ಕಪೂರ್ ಮತ್ತು ಸುಹಾನಾ ಖಾನ್, ನೆಟ್‌ಫ್ಲಿಕ್ಸ್ ಆರ್ಚಿಸ್ ಕಾಮಿಕ್ಸ್ ವೆಬ್ ಸಿರೀಸ್‌ನಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.

ಖುಷಿ ಅವರು ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹೊಸ ಫೋಟೊ ಒಂದನ್ನು ಪೋಸ್ಟ್ ಮಾಡಿದ್ದು, ಅದಕ್ಕೆ ಶಾರುಖ್ ಖಾನ್ ಪುತ್ರಿ ಸುಹಾನಾ ಖಾನ್ ಕಾಮೆಂಟ್ ಮಾಡುವ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಟ್ರೋಲ್‌ಗಳಿಗೆ ಹೆದರುವುದಿಲ್ಲ ಎಂದು ಮತ್ತಷ್ಟು ಫೋಟೊ ಪೋಸ್ಟ್ ಮಾಡಿದ ಇರಾ ಖಾನ್

ಸುಹಾನಾ ಖಾನ್, ವಾವ್ ಎಂದರೆ, ಖುಷಿ ಸಹೋದರಿ ಜಾಹ್ನವಿ ಕಪೂರ್ ಹೃದಯದ ಎಮೋಜಿ ಬಳಸಿ ಕಾಮೆಂಟ್ ಮಾಡಿದ್ದಾರೆ. ಜತೆಗೆ ಶಾನಾಯ ಕಪೂರ್, ‘ಐ ಲವ್ ಯೂ‘ ಎಂದಿದ್ದಾರೆ.

ನೆಟ್‌ಫ್ಲಿಕ್ಸ್ ವೆಬ್ ಸಿರೀಸ್ ಮೂಲಕ ಬಣ್ಣದ ಲೋಕಕ್ಕೆ ಶಾರುಖ್ ಪುತ್ರಿ ಸುಹಾನಾ ಖಾನ್