ದೀಪಿಕಾ ಮಾತಿಗೆ ಕರಗಿ ಗಡ್ಡ ತೆಗೆದ ಶೈನ್: ಬಿಗ್‌ಬಾಸ್‌ ಮಂದಿ ಆದ್ರು ಶಾಕ್‌
ದೀಪಿಕಾ ದಾಸ್‌ ಅವರ ಪ್ರೀತಿಯ ಮಾತುಗಳಿಗೆ ಕರಗಿ ಕೊನೆಗೂ ಗಡ್ಡ ತೆಗೆದು, ಮನೆಮಂದಿಗೆಲ್ಲ ಅಚ್ಚರಿ ನೀಡಿದ್ದಾರೆ ಶೈನ್ ಶೆಟ್ಟಿ. ಅಂತೂ ಇಂತು ಬಿಗ್‌ಬಾಸ್‌ ನೀಡಿದ್ದ ಟಾಸ್ಕ್‌ ಯಶಸ್ವಿಯಾಗಿದೆ.
ಕಿರುತೆರೆಯಲ್ಲಿ ಕೆಲಕಾಲ ಮಿಂಚಿದ ಶೈನ್‌ಶೆಟ್ಟಿ ಹಿರಿತೆರೆಯ ಆಸೆಯಿಂದ ಎಲ್ಲವನ್ನೂ ಕಳೆದುಕೊಂಡ ಎಂಬ ಅವರ ತಾಯಿ ಅಳನ್ನು ಕೇಳಿಸಿಕೊಂಡ ಬಿಗ್‌ಬಾಸ್‌, ಶೈನ್ ಶೆಟ್ಟಿ ಮನೆಯಲ್ಲಿ ತುಂಬಾ ಮೆಚ್ಚಿದ್ದ ದೀಪಿಕಾ ದಾಸ್‌ ಅವರಿಗೆ ಸೀಕ್ರೆಟ್‌ ಟಾಸ್ಕ್‌ ನೀಡಿದ್ದರು. ಶೈನ್ ಶೆಟ್ಟಿಯ ಗಡ್ಡವನ್ನು ಶೇವ್ ಮಾಡಿಸಿದರೆ ಮನೆಗೆ ಹೆಚ್ಚವರಿ ಅಂಕವನ್ನು ನೀಡುವುದಾಗಿ ಹೇಳಿದ್ದರು.
ಮೂರು ದಿನದಿಂದ ಗಡ್ಡ ತೆಗೆಯಿರಿ, ನಾನೇ ಟ್ರಿಮ್‌ ಮಾಡುತ್ತೇನೆ ಎಂದೆಲ್ಲ ಮನವೊಲಿಸುತ್ತಿದ್ದ ದೀಪಿಕಾಗೆ ಶೈನ್, ಗಡ್ಡ ತೆಗೆದು ಫುಲ್‌ ಶೇವ್ ಮಾಡುವ ಮೂಲಕಶುಕ್ರವಾರ ಭರ್ಜರಿ ಸರ್ಪ್ರೈಸ್‌ ಅನ್ನೇ ನೀಡಿದ್ದಾರೆ. ಏನೇ ಆದರೂ ಶೈನ್ ಶೆಟ್ಟಿಯ ಅವರ ಹೊಸ ಲುಕ್‌ಗೆ ಎಲ್ಲರೂ ಫಿದಾ ಆಗಿದ್ದಾರೆ.
ಸಿನಿಮಾಗಾಗಿ ಗಡ್ಡ ಬಿಟ್ಟಿದ್ದೇನೆ, ಇಲ್ಲದಿದ್ದರೆ ತೆಗೆಯುತ್ತಿದ್ದೆ ಎಂದು ಹೇಳುತ್ತಿದ್ದ ಶೈನ್ ಕೊನೆಗೂ ಗಡ್ಡ ತೆಗೆದು ಶನಿವಾರಕ್ಕೆ ಸುದೀಪ್‌ ಎದುರು ಕಂಗೊಳಿಸಲು ಸಜ್ಜಾಗಿದ್ದಾರೆ.
ಶೈನ್ ಶೆಟ್ರು ಶೇವ್ ಮಾಡಿದ ಮೇಲೆ ಎಷ್ಟು ಚೆಂದ ಕಾಣ್ತಿದ್ದಾರೆ ಗೊತ್ತಾ?ಶೈನ್ ಅವರ ಯಾವ ಲುಕ್ ನಿಮಗೆ ಇಷ್ಟವಾಗಿದ್ದು? ಕಮೆಂಟ್ ಮಾಡಿ! ಎಂದು ಕಲರ್ಸ್‌ ಕನ್ನಡ ತಮ್ಮ ಇನ್‌ಸ್ಟಾಗ್ರಾಂ ಪೇಜ್‌ನಲ್ಲಿ ಹಾಕಿರುವ ವಿಡಿಯೊಗೆ ಶೇವ್ ಲುಕ್‌ಯೇ ಚೆಂದ ಎಂದು ಎಲ್ಲರೂ ಕಮೆಂಟ್ ಮಾಡಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.