ಲಾಕ್ಡೌನ್ ಅವಧಿಯಲ್ಲಿ ಪ್ರೇಕ್ಷಕರನ್ನು ರಂಜಿಸಲು ಕಲರ್ಸ್ ಕನ್ನಡ ವಾಹಿನಿ ಈ ಹಿಂದೆ ಪ್ರಸಾರವಾಗಿ ಜನಪ್ರಿಯತೆ ಗಳಿಸಿದ್ದ ರಿಯಾಲಿಟಿ ಶೋ, ಧಾರವಾಹಿಗಳನ್ನು ಇದೇ ಏಪ್ರಿಲ್ 20 ರಿಂದ ಮರುಪ್ರಸಾರ ಮಾಡುತ್ತಿದೆ.
ಸೋಮವಾರದಿಂದ ಶುಕ್ರವಾರದವರೆಗೆಪ್ರತಿ ದಿನ ಬೆಳಿಗ್ಗೆ 7.30ರಿಂದ ಆರಂಭವಾಗಿ, ರಾತ್ರಿ 10ರವರೆಗೆ ಈ ಧಾರಾವಾಹಿ, ರಿಯಾಲಿಟಿ ಶೋಗಳು ಮರುಪ್ರಸಾರವಾಗುತ್ತವೆ. ಬೆಳಿಗ್ಗೆ 7.30ಕ್ಕೆ ಖ್ಯಾಥ ನಿರೂಪಕ ಅಕುಲ್ ಬಾಲಾಜಿ ನಡೆಸಿಕೊಡುವ ‘ಸೂಪರ್ ಟಾಕ್ಟೈಮ್‘, 9 ಗಂಟೆಗೆ ಸೆಲೆಬ್ರಟಿಗಳ ಡಾನ್ಸ್ ಶೋ ‘ಥಕಧಿಮಿತ‘, 10.30ಕ್ಕೆ ನಟ ಪುನೀತ್ ರಾಜ್ಕುಮಾರ್ ನಡೆಸಿಕೊಡುವ ಫ್ಯಾಮಿಲಿ ಗೇಮ್ ಶೋ ‘ಫ್ಯಾಮಿಲಿ ಪವರ್‘ ಪ್ರಸಾರವಾಗಲಿದೆ. ಕಲರ್ಸ್ ಸೂಪರ್ನ ಸುಪ್ರಸಿದ್ಧ ಹಾಡಿನ ಶೋ ‘ಕನ್ನಡ ಕೋಗಿಲೆ‘ ಮಧ್ಯಾಹ್ನ 1 ಗಂಟೆಗೆ ಪ್ರಸಾರವಾದರೆ, ಮಧ್ಯಾಹ್ನ 3 ಗಂಟೆಗೆ ಸೂಪರ್ ಹಿಟ್ ಚಲನಚಿತ್ರಗಳು ಪ್ರಸಾರವಾಗುತ್ತವೆ.
ಜಯರಾಮ್ ಕಾರ್ತಿಕ್, ಮಯೂರಿ ನಟನೆಯ‘ಅಶ್ವಿನಿ ನಕ್ಷತ್ರ‘ ಧಾರಾವಾಹಿ ಪ್ರತಿ ದಿನ ಸಂಜೆ 6 ಗಂಟೆಗೆ ಪ್ರಸಾರವಾಗುತ್ತದೆ. ರಾತ್ರಿ 8ಕ್ಕೆ ‘ರಾಧಾ ರಮಣ‘, ರಾತ್ರಿ 9ಕ್ಕೆ ‘ಮಾಂಗಲ್ಯಂ ತಂತುನಾನೇನಾ‘, ಮತ್ತು ರಾತ್ರಿ 10ಕ್ಕೆ ‘ಅರುಂಧತಿ‘ ಪ್ರಸಾರವಾಗಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.