ಹೊಟ್ಟೆಗೆ ತಂಪು ಮತ್ತು ಹಿತವಾದ ಹೆಸರುಕಾಳು ಉಸ್ಲಿ: ಸುಲಭ ವಿಧಾನದಲ್ಲಿ ಹೀಗೆ ಮಾಡಿ

ಅನೇಕ ಪೋಷಕಾಂಶಗಳನ್ನು ಹೊಂದಿರುವ ಹೆಸರು ಕಾಳು ಆರೋಗ್ಯಕ್ಕೆ ಉತ್ತಮ ಆಹಾರವಾಗಿದೆ. ಈ ಕಾಳನ್ನು ಹಸಿ ತಿನ್ನಲು ಆಗದೇ ಇದ್ದರೆ, ಹೆಸರುಕಾಳಿನ ಉಸ್ಲಿ ಕೂಡ ಮಾಡಿ ಸೇವಿಸಬಹುದು. ಇದನ್ನು ಸುಲಭ ವಿಧಾನದಲ್ಲಿ ಮಾಡುವುದು ಹೇಗೆ ಎಂಬ ಮಾಹಿತಿ ಇಲ್ಲಿದೆ.

ಹೆಸರುಕಾಳಿನ ಉಸ್ಲಿ ಮಾಡಲು ಬೇಕಾಗುವ ಸಾಮಗ್ರಿಗಳು

2–3 ಕಪ್ ಹೆಸರು ಕಾಳು

ಅರ್ಧ ಕಪ್ ಕಾಯಿತುರಿ

ಅಡುಗೆ ಎಣ್ಣೆ

ಕಾಲು ಚಮಚ ಅರಿಶಿನ ಪುಡಿ

ರುಚಿಗೆ ತಕ್ಕಷ್ಟು ಉಪ್ಪು

1–2 ಒಣ ಮೆಣಸಿನಕಾಯಿ, ಹಸಿರು ಮೆಣಸಿನಕಾಯಿ

ಕಾಲು ಚಮಚ ಸಾಸಿವೆ

ಕರಿ ಬೇವು

1–2 ಈರುಳ್ಳಿ

ಮಾಡುವ ವಿಧಾನ

ನೆನೆಸಿಟ್ಟ ಹೆಸರು ಕಾಳನ್ನು ತೊಳೆದು ಉಪ್ಪು ಹಾಕಿ ಬೇಯಿಸಿಕೊಳ್ಳಿ. ನಂತರ ಒಂದು ಪಾತ್ರೆಯಲ್ಲಿ ಒಗ್ಗರಣೆ ತಯಾರು ಮಾಡಿಕೊಳ್ಳಿ.

ಬೇಯಿಸಿದ ಹೆಸರು ಕಾಳಿನ ನೀರನ್ನು ಹಾಗೆ ಕುಡಿಯಬಹುದು. ಆದರೆ ಉಸ್ಲಿಗೆ ಬಳಸಬೇಡಿ.

ಒಗ್ಗರಣೆ ತಯಾರಿಸಲು: ಒಂದು ಬಾಣಲೆಗೆ 1–2 ಚಮಚ ಅಡುಗೆ ಎಣ್ಣೆ, ಸಾಸಿವೆ, ಕರಿಬೇವು, ಅರಶಿಣ ಪುಡಿ, ಹೆಚ್ಚಿಕೊಂಡ ಈರುಳ್ಳಿ, ಕಾಯಿತುರಿ, ಒಣ ಮೆಣಸಿನಕಾಯಿ, ಹಸಿರು ಮೆಣಸಿನಕಾಯಿಯನ್ನು ಹಾಕಿ ಫ್ರೈ ಮಾಡಿಕೊಳ್ಳಿ. ಅದಕ್ಕೆ ಬೇಯಿಸಿದ ಹೆಸರು ಕಾಳನ್ನು ಮಿಶ್ರಣ ಮಾಡಿ.

ಸವಿಯಲು ಸಿದ್ದ ಹೆಸರುಕಾಳಿನ ಉಸ್ಲಿ.!