ಧೂಮಪಾನಿಗಳೇ ಎಚ್ಚರ: ಕೋವಿಡ್-19 ಸಾಧ್ಯತೆ ಹೆಚ್ಚು!

ವಿಶ್ವಸಂಸ್ಥೆ: ಧೂಮಪಾನಿಗಳು ಹಾಗೂ ತಂಬಾಕು ಸೇವನೆ ಮಾಡುವವರಿಗೆ ಕೊರೊನಾ ವೈರಸ್‌ ಸೋಂಕು ತಗುಲುವಸಾಧ್ಯತೆ ಹೆಚ್ಚು ಎಂದು ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಕೆ ನೀಡಿದೆ.

ಸಿಗರೇಟ್‌, ಬಿಡಿ, ಚುಟ್ಟ ಸೇದುವವರಲ್ಲಿ ಬೆರಳುಗಳು ಮತ್ತು ತುಟಿಗಳು ಸಂಪರ್ಕದಲ್ಲಿ ಇರುವುದರಿಂದ ಧೂಮಪಾನಿಗಳಿಗೆ ಬೇಗನೆ ಸೋಂಕು ಹರಡುವ ಸಾಧ್ಯತೆ ಹೆಚ್ಚಿರುತ್ತದೆ. ಇನ್ನು ಇವರಿಗೆ ಶ್ವಾಸಕೋಶದ ಸಮಸ್ಯೆಗಳು ಇದ್ದರೆ ಅಪಾಯ ಹೆಚ್ಚು ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.

ಸೇದಿ ಬೀಸಾಡಿರುವ ಸಿಗರೇಟ್‌ ಅಥವಾ ಬಿಡಿಯ ತುಂಡುಗಳಿಂದಲೂ ಕೊರೊನಾ ಸೋಂಕು ಸಮುದಾಯಕ್ಕೆ ಹರಡುವ ಅಪಾಯ ಇದೆ.

ಧೂಮಪಾನ ಮಾಡುವವರಲ್ಲಿ ಮೊದಲೇ ಶ್ವಾಸಕೋಶ ಸಮಸ್ಯೆ ಇರುತ್ತದೆ. ಇವರಿಗೆಸೋಂಕು ಹರಡಿದರೆ ಉಸಿರಾಟ ಸಮಸ್ಯೆ ಎದುರಾಗಲಿದೆ. ಶ್ವಾಸನಾಳಬ್ಲಾಕ್‌ ಆಗುವುದರಿಂದಅಮ್ಲಜನಕ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಿನ್ಯುಮೋನಿಯಾ ಕಾಣಿಸಿಕೊಂಡು ಅಪಾಯ ಹೆಚ್ಚಾಗಬಹುದು ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.