ಫ್ಯಾಕ್ಟ್‌ ಚೆಕ್: ದೇಶಕ್ಕೆ ಚೀನಾ ನಿರ್ಮಿತ ವಿಶೇಷ ಪಟಾಕಿಗಳು?

ಬೆಳಕಿನ ಹಬ್ಬ ದೀಪಾವಳಿ ಆಚರಣೆಗೆ ಇಡೀ ದೇಶ ಸಜ್ಜಾಗಿದೆ. ಚೀನಾ ನಿರ್ಮಿತ ವಿಶೇಷ ಪಟಾಕಿಗಳು ದೇಶಕ್ಕೆ ಅಡಿಯಿಡಲು ಸಜ್ಜಾಗಿವೆ. ಅಸ್ತಮಾ ಹಾಗೂ ಕಣ್ಣಿನ ಸೋಂಕು ಉಂಟು ಮಾಡಬಲ್ಲ ವಿಶೇಷ ರೀತಿಯ ಪಟಾಕಿಗಳನ್ನು ಚೀನಾ ತಯಾರಿಸಿದೆ, ಅವುಗಳನ್ನು ಭಾರತಕ್ಕೆ ರವಾನಿಸಲಿದೆ ಎಂಬ ಮಾಹಿತಿಯನ್ನು ಕೇಂದ್ರ ಗೃಹಸಚಿವಾಲಯದ ಅಧಿಕಾರಿಯೊಬ್ಬರ ಹೆಸರಿನಲ್ಲಿ ಪ್ರಕಟಿಸಲಾಗಿದೆ.

ಈ ಸುದ್ದಿಯನ್ನು ಪಿಐಬಿ ಫ್ಯಾಕ್ಟ್‌ ಚೆಕ್‌ ತಂಡವು ಪರಿಶೀಲನೆ ನಡೆಸಿದೆ. ಗೃಹ ಸಚಿವಾಲಯವು ಇಂತಹ ಯಾವುದೇ ಸೂಚನೆಯನ್ನು ನೀಡಿಲ್ಲ ಎಂದು ಸ್ಪಷ್ಟನೆ ನೀಡಿದೆ.