ಮಾಜಿ ಪ್ರಧಾನಿ ಡಾ. ಮನಮೋಹನ್ ಸಿಂಗ್ ಅವರು ಮಾಡಿದ್ದಾರೆ ಎನ್ನಲಾದ ಟ್ವೀಟ್ ಬಗ್ಗೆ ಚರ್ಚೆಯಾಗುತ್ತಿದೆ. ‘ಬಿಎಸ್ಎನ್ಎಲ್ ಮುನ್ನಡೆಸಲು ಸಾಧ್ಯವಾಗದವ, ರೈಲ್ವೆ, ವಿಮಾನ ನಿಲ್ದಾಣಗಳನ್ನು ಕಾರ್ಯಾಚರಣೆ ನಡೆಸಲು ಸಾಧ್ಯವಾಗದ ವ್ಯಕ್ತಿಯೊಬ್ಬ ದೇಶವನ್ನು ನಡೆಸುತ್ತಾನೆ ಎಂದು ಅಂಧಭಕ್ತನೊಬ್ಬ ಹೇಳುತ್ತಾನೆ’ ಎಂಬ ಉಲ್ಲೇಖ ಆ ಟ್ವೀಟ್ನಲ್ಲಿದೆ. ‘ತನ್ನ ಹೆಂಡತಿಯನ್ನು ನೋಡಿಕೊಳ್ಳಲು ಸಾಧ್ಯವಾಗದವರು ದೇಶವನ್ನು ಮುನ್ನಡೆಸುತ್ತಾರೆ’ ಎಂದು ಟ್ವಿಟರ್ ಬಳಕೆದಾರರೊಬ್ಬರು ರೀಟ್ವೀಟ್ ಮಾಡುವಾಗ ಉಲ್ಲೇಖಿಸಿದ್ದಾರೆ.
ಡಾ. ಮನಮೋಹನ್ ಸಿಂಗ್ ಅವರು ಈವರೆಗೆ ಟ್ವಿಟರ್ ಖಾತೆ ತೆರೆದಿಲ್ಲ ಎಂದು ಲಾಜಿಕಲ್ ಇಂಡಿಯನ್ ಫ್ಯಾಕ್ಟ್ ಚೆಕ್ ವೇದಿಕೆ ಸ್ಪಷ್ಟಪಡಿಸಿದೆ. ಖಾತೆಯ ಪರಿಚಯದಲ್ಲಿ ‘ವಿಡಂಬನಾ ಖಾತೆ’ ಎಂದು ಉಲ್ಲೇಖಿಲಾಗಿದೆ.ಕಾಂಗ್ರೆಸ್ನ ಸಾಮಾಜಿಕ ಜಾಲತಾಣ ವಿಭಾಗದ ಸಂಚಾಲಕ ಸರಳ್ ಪಟೇಲ್ ಅವರು ಇದನ್ನು ಈ ಹಿಂದೆಯೇ ಸ್ಪಷ್ಟಪಡಿಸಿದ್ದಾರೆ. ಸಿಂಗ್ ಅವರ ಹೆಸರಿನಲ್ಲಿ ನಕಲಿ ಖಾತೆಗಳನ್ನು ತೆರೆದು ಟ್ವೀಟ್ ಮಾಡಲಾಗಿದೆ. ಒಂದು ವೇಳೆ ಖಾತೆ ಅವರದ್ದೇ ಆಗಿದ್ದರೆ ಅದಕ್ಕೆ ಬ್ಲೂಟಿಕ್ ಇರಬೇಕಿತ್ತು. ನಕಲಿ ಖಾತೆಗಳನ್ನು ಹಿಂಬಾಲಿಸಬೇಡಿ ಎಂದು ಪಟೇಲ್ ಮನವಿ ಮಾಡಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.