ಫ್ಯಾಕ್ಟ್‌ ಚೆಕ್‌ | ಹಿಜಾಬ್‌ ವಿಚಾರ: ಬುರ್ಖಾ ತೆಗೆದಾಗ ಕಂಡವರು ಗಂಡಸರು!
ಬುರ್ಖಾಧಾರಿ ಯುವಕರನ್ನು ಪೊಲೀಸರು ಬಂಧಿಸಿರುವ ವಿಡಿಯೊವೊಂದು ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ಹಿಜಾಬ್‌ ಸಂಬಂಧಿ ಗಲಾಟೆಯ ಸಂಬಂಧ ಈ ಬಂಧನ ಆಗಿದೆ. ಕಲ್ಲು ತೂರಾಟದಲ್ಲಿ ತೊಡಗಿದ್ದವರನ್ನು ವಶಕ್ಕೆ ತೆಗೆದುಕೊಂಡ ಪೊಲೀಸರು, ಬುರ್ಖಾ ತೆಗೆಯುವಂತೆ ಅವರಿಗೆ ಹೇಳಿದರು. ಬುರ್ಖಾ ತೆಗೆದಾಗ ಅವರು ಗಂಡಸರು ಎಂಬುದು ತಿಳಿಯಿತು ಎಂಬಂತೆ ವಿಡಿಯೊದಲ್ಲಿ ಬಿಂಬಿಸಲಾಗಿದೆ.
ಈ ವಿಡಿಯೊ ಈಗಿನದ್ದಲ್ಲ ಎಂದು ದಿ ಲಾಜಿಕಲ್‌ ಇಂಡಿಯನ್‌ ವೇದಿಕೆ ವರದಿ ಮಾಡಿದೆ. ಈ ವಿಡಿಯೊ 2020ರ ಆಗಸ್ಟ್‌ನದ್ದು. ಆಂಧ್ರ ಪ್ರದೇಶದ ಕರ್ನೂಲ್‌ ಜಿಲ್ಲೆಯಲ್ಲಿ ಬುರ್ಖಾ ಧರಿಸಿ ಮದ್ಯ ಕಳ್ಳಸಾಗಾಣೆ ಮಾಡುತ್ತಿದ್ದವರನ್ನು ಬಂಧಿಸಲಾಗಿತ್ತು. ಈ ವಿಡಿಯೊಗೂ ಸದ್ಯದ ಹಿಜಾಬ್‌ ವಿವಾದಕ್ಕೂ ಸಂಬಂಧವಿಲ್ಲ ಎಂದು ವರದಿಯಲ್ಲಿ ಹೇಳಲಾಗಿದೆ. ಈ ಘಟನೆಗೆ ಸಂಬಂಧಿಸಿದ ವಿಡಿಯೊ 2020ರ ಆ.8ರಂದು ಈಟಿವಿ ಭಾರತ್‌ ಸುದ್ದಿ ವಾಹಿನಿಯೊಂದರಲ್ಲಿ ಪ್ರಸಾರವಾಗಿತ್ತು. ಬಂಧಿತರು ತೆಲಂಗಾಣದಿಂದ ಆಂಧ್ರ ಪ್ರದೇಶಕ್ಕೆ ಅಕ್ರಮವಾಗಿ ಮದ್ಯ ರವಾನೆ ಮಾಡುತ್ತಿದ್ದರು ಎಂದು ಈಟಿವಿ ಭಾರತ್‌ ವರದಿಯಲ್ಲಿ ಹೇಳಲಾಗಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.