ಎನ್ ಸಿ ಟಿಸಿ: ತಿದ್ದುಪಡಿಗೆ ರಾಜ್ಯ ಸಭೆಯಲ್ಲೂ ಸೋಲು

ನವದೆಹಲಿ ( ಐ.ಎಎನ್ಎಸ್): ಭಯೋತ್ಪಾದನೆ ವಿರೋಧಿ ಜಾಗೃತಾ ಜಾಲ (ಎನ್ ಸಿ ಟಿ ಸಿ)ಕ್ಕೆ ಸಂಬಂಧಿಸಿದಂತೆ ವಿರೋಧ ಪಕ್ಷಗಳು ಮಂಡಿಸಿದ ತಿದ್ದುಪಡಿ ನಿರ್ಣಯಗಳು ರಾಜ್ಯಸಭೆಯಲ್ಲೂ ಸೋಲು ಕಂಡಿದ್ದರಿಂದ ಯುಪಿಎ ಸರ್ಕಾರ ಮತ್ತೊಮ್ಮೆ ಮುಜುಗರದಿಂದ ಪಾರಾಗಿದೆ.

ಭಯೋತ್ಪಾದನಾ ನಿಗ್ರಹ ಕೇಂದ್ರವನ್ನು ವಿರೋಧಿಸಿ 82 ಸದಸ್ಯರು ಮತ ಚಲಾಯಿಸಿದರೆ, ಪರವಾಗಿ 105 ಸಂಸದರು ಮತ ಚಲಾಯಿಸಿದರು ಎಂದು ರಾಜ್ಯಸಭಾ ಉಪ ಸಭಾಪತಿ ಕೆ.ರೆಹಮಾನ್ ಖಾನ್ ಅವರು ಘೋಷಿಸಿದರು.