ಧರಣಿಗೆ ವಿದೇಶಿ ಹಣ: ಆರೋಪ

ಚೆನ್ನೈ (ಪಿಟಿಐ): `ಕೂಡುಂಕುಳಂ ಅಣು ವಿದ್ಯುತ್ ಯೋಜನೆಯ ವಿರುದ್ಧ ತೀವ್ರ ಪ್ರತಿಭಟನೆ ನಡೆಸುತ್ತಿರುವ ಕೆಲವು ಸಂಘಟನೆಗಳು ವಿದೇಶಿ ಮೂಲದಿಂದ ಸುಮಾರು 55 ಕೋಟಿ ರೂಪಾಯಿ ಪಡೆದಿರುವ ಬಗ್ಗೆ ಗೃಹ ಸಚಿವಾಲಯದ ವಿಶೇಷ ತಂಡಕ್ಕೆ ಮಾಹಿತಿ ದೊರೆತಿದೆ~ ಎಂದು ಕೇಂದ್ರ ಸಚಿವ ವಿ.ನಾರಾಯಣಸ್ವಾಮಿ ಹೇಳಿದ್ದಾರೆ.

`ಸಚಿವಾಲಯದ ವಿಶೇಷ ತಂಡ ಸಂಘಟನೆಗಳ ಆಯವ್ಯಯ ಪಟ್ಟಿಯನ್ನು ತಪಾಸಣೆಗೆ ಒಳಪಡಿಸಿದಾಗ ಈ ಅಂಶ ಬೆಳಕಿಗೆ ಬಂದಿದೆ~ ಎಂದು ಅವರು ತಿಳಿಸಿದ್ದಾರೆ.