ಜೆಇಇ (ಮೇನ್‌): 24 ವಿದ್ಯಾರ್ಥಿಗಳಿಂದ 100ಕ್ಕೆ ನೂರು ಅಂಕ ‍ಗಳಿಕೆ

ನವದೆಹಲಿ: ಜೆಇಇ (ಮೇನ್) ಫಲಿತಾಂಶ ಪ್ರಕಟವಾಗಿದ್ದು,24 ವಿದ್ಯಾರ್ಥಿಗಳು ನೂರಕ್ಕೆ ನೂರು ಅಂಕಗಳನ್ನು ಗಳಿಸಿದ್ದಾರೆ.

ಇದೇ ತಿಂಗಳ 1 ರಿಂದ 6 ತನಕ ನಡೆದ ಈ ಪರೀಕ್ಷೆ ನಡೆಯಿತು.ಕೋವಿಡ್‌–19 ಕಾರಣದಿಂದಾಗಿ ಈ ಪರೀಕ್ಷೆ ನಡೆಸಲು ಸಾಕಷ್ಟು ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳಲಾಗಿತ್ತು. ಐಐಟಿ, ಎನ್‌ಐಟಿ, ಸಿಎಫ್‌ಟಿಐಗಳಲ್ಲಿ ಎಂಜಿನಿಯರಿಂಗ್‌ ಕೋರ್ಸ್‌ಗಳಿಗೆ ಪ್ರವೇಶ ಪಡೆಯಲು ಈ ಪರೀಕ್ಷೆಯಲ್ಲಿ ಉತ್ತಮ ಸಾಧನೆ ಅಗತ್ಯ. ಒಟ್ಟು 8.58 ಲಕ್ಷ ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿದ್ದರೂ, ಶೇ 74ರಷ್ಟು ವಿದ್ಯಾರ್ಥಿಗಳು ಮಾತ್ರ ಪರೀಕ್ಷೆಗೆ ಹಾಜರಾಗಿದ್ದರು.