ಡ್ರಗ್ಸ್ ಪ್ರಕರಣ: ಗೋಸಾವಿ, ಶಾರುಕ್‌ ಮ್ಯಾನೇಜರ್ ಭೇಟಿ ನಡೆದಿತ್ತು–ಎನ್‌ಸಿಬಿ
Published 26 ಅಕ್ಟೋಬರ್ 2021, 12:50 IST
ಆರೋಪಿ ಆರ್ಯನ್‌ ಖಾನ್‌ ಜೊತೆಗಿನ ಸೆಲ್ಫಿ ಫೋಟೊದಲ್ಲಿ ಗೋಸಾವಿ– ವೈರಲ್‌ ಆಗಿರುವ ಚಿತ್ರ
ಮುಂಬೈ: ಡ್ರಗ್ಸ್ ಪ್ರಕರಣದ ಆರೋಪಿ ಆರ್ಯನ್‌ ಖಾನ್‌ ಜೊತೆಗಿನ ಸೆಲ್ಫಿ ಫೋಟೊದಿಂದ ಸುದ್ದಿಯಾದ ಕೆ.ಪಿ.ಗೋಸಾವಿ ಅವರು ನಟ ಶಾರುಕ್‌ ಖಾನ್‌ ಮ್ಯಾನೇಜರ್ ಜೊತೆಗೆ ಭೇಟಿ ನಡೆದಿರುವುದಾಗಿ ಎನ್‌ಸಿಬಿ ಒಪ್ಪಿಕೊಂಡಿದೆ.
ಶಾರುಕ್‌ ಅವರ ಮ್ಯಾನೇಜರ್ ಪೂಜಾ ದದಲಾನಿ ಅವರನ್ನು ಕೆ.ಪಿ.ಗೋಸಾವಿ ಭೇಟಿಯಾಗಿರುವುದನ್ನು ಎನ್‌ಸಿಬಿ ಸ್ಪಷ್ಟಪಡಿಸಿದೆ. ಆರ್ಯನ್‌ ಖಾನ್‌ ಬಿಡುಗಡೆಗೆ ₹24 ಕೋಟಿ ಬೇಡಿಕೆ ಇಡಲಾಗಿತ್ತು ಎಂದು ಮುಂಬೈ ನಿವಾಸಿ, ಪ್ರಕರಣದ ಸಾಕ್ಷಿಧಾರರಾಗಿರುವ ಪ್ರಭಾಕರ್‌ ಸೈಲ್‌ ಆರೋಪಿಸಿದ್ದರು.
ಗೋಸಾವಿ ಮತ್ತು ಸ್ಯಾಮ್‌ ಡಿಸೋಜಾ ಸೇರಿ ಬಿಡುಗಡೆಯ ಡೀಲ್‌ ಮಾತುಕತೆ ನಡೆಸಿದ್ದರು. ಅಂತಿಮವಾಗಿ ₹18 ಕೋಟಿಗೆ ಒಪ್ಪಂದವಾಗಿತ್ತು ಹಾಗೂ ಅದರಲ್ಲಿ ₹8 ಕೋಟಿ ಎನ್‌ಸಿಬಿಯ ವಲಯ ನಿರ್ದೇಶಕ ಸಮೀರ್ ವಾಂಖೆಡೆಗೆ ಸೇರುವ ಸಾಧ್ಯತೆ ಇತ್ತು ಎಂದು ಆರೋಪಿಸಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.