ಕೋವಿಡ್‌–19 | ನಕಲಿ ಪರೀಕ್ಷಾ ಕಿಟ್‌: ರಾಜ್ಯಗಳ ಪೊಲೀಸರಿಗೆ ಸಿಬಿಐ ಎಚ್ಚರಿಕೆ

ನವದೆಹಲಿ: ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ನಕಲಿ ಕೋವಿಡ್‌–19 ಪರೀಕ್ಷಾ ಕಿಟ್‌ಗಳನ್ನು ಮಾರಾಟ ಮಾಡುತ್ತಿರುವ ಕುರಿತು ಎಲ್ಲ ರಾಜ್ಯಗಳ ಪೊಲೀಸ್ ಇಲಾಖೆಗಳಿಗೆ ಸಿಬಿಐ ಎಚ್ಚರಿಸಿದೆ.

ಇಂಟರ್‌ಪೋಲ್‌ ನೀಡಿದ ಮಾಹಿತಿ ಅನ್ವಯ ಸಿಬಿಐ ಈ ಕ್ರಮ ಕೈಗೊಂಡಿದೆ ಎಂದು ಮೂಲಗಳು ಹೇಳಿವೆ.

‘ಒಟ್ಟು 194 ಸದಸ್ಯ ರಾಷ್ಟ್ರಗಳಿಗೆ ಇಂಟರ್‌ಪೋಲ್‌ ಈ ಎಚ್ಚರಿಕೆಯ ಸಂದೇಶ ನೀಡಿದೆ. ಭಾರತ ಮೂಲದ ಕಂಪನಿ ಅಥವಾ ವಿತರಕರ ಕುರಿತು ಮಾಹಿತಿ ಇಲ್ಲ’ ಎಂದು ಇವೇ ಮೂಲಗಳು ತಿಳಿಸಿವೆ.