ಕುನೊ ರಾಷ್ಟ್ರೀಯ ಉದ್ಯಾನ: 5 ಮರಿಗಳಿಗೆ ಜನ್ಮನೀಡಿದ ಚೀತಾ

ಭೋಪಾಲ್‌: ಮಧ್ಯಪ್ರದೇಶದ ಕುನೊ ರಾಷ್ಟ್ರೀಯ ಉದ್ಯಾನದಲ್ಲಿನ ಚೀತಾ ‘ನಿರ್ವಾ’ ಐದು ಮರಿಗಳಿಗೆ ಜನ್ಮ ನೀಡಿದೆ ಎಂದು ಮುಖ್ಯಮಂತ್ರಿ ಮೋಹನ ಯಾದವ್ ಭಾನುವಾರ ಘೋಷಿಸಿದ್ದಾರೆ.

ಇವುಗಳ ಜನನದೊಂದಿಗೆ ಉದ್ಯಾನದಲ್ಲಿ ಚೀತಾ ಹಾಗೂ ಮರಿಗಳ ಸಂಖ್ಯೆ 29ಕ್ಕೆ ಏರಿದಂತಾಗಿದೆ. ಈಗ ದೇಶದಲ್ಲಿನ ಚೀತಾಗಳ ಒಟ್ಟು ಸಂಖ್ಯೆ 31 ಆಗಿದೆ.

‘5 ವರ್ಷದ ನಿರ್ವಾ, ಐದು ಮರಿಗಳಿಗೆ ಜನ್ಮ ನೀಡಿರುವುದು ಚೀತಾ ಪ್ರಾಜೆಕ್ಟ್‌ ಯಶಸ್ವಿಯಾಗಿರುವುದನ್ನು ಹಾಗೂ ಭಾರತದ ಜೀವವೈವಿಧ್ಯದ ಶ್ರೀಮಂತಿಕೆಯನ್ನು ತೋರಿಸುತ್ತದೆ’ ಎಂದು ಮುಖ್ಯಮಂತ್ರಿ ಯಾದವ್ ಅವರು ‘ಎಕ್ಸ್‌’ನಲ್ಲಿ ಪೋಸ್ಟ್‌ ಮಾಡಿದ್ದಾರೆ.