ಸೈಬರ್ ಅಪರಾಧ: ದೆಹಲಿಯಲ್ಲಿ 800 ಮಂದಿ ಸೆರೆ

ನವದೆಹಲಿ: ‘ಸೈಹಾಕ್‌’ ಎಂಬ ಹೆಸರಿನಲ್ಲಿ 48 ಗಂಟೆಗಳ ಕಾರ್ಯಾಚರಣೆ ನಡೆಸಿದ ದೆಹಲಿ ಪೊಲೀಸರು ಸೈಬರ್‌ ಅಪರಾಧಗಳೊಂದಿಗೆ ನಂಟು ಹೊಂದಿದ್ದ 800ಕ್ಕೂ ಅಧಿಕ ಮಂದಿಯನ್ನು ಬಂಧಿಸಿದ್ದಾರೆ.

‘ಶುಕ್ರವಾರ ಬೆಳಿಗ್ಗೆ 9 ಗಂಟೆವರೆಗೆ ಕಾರ್ಯಾಚರಣೆ ನಡೆದಿದ್ದು, 877 ಜನರನ್ನು ಬಂಧಿಸಲಾಗಿದೆ ಅಥವಾ ವಶಕ್ಕೆ ಪಡೆಯಲಾಗಿದೆ. 509 ಜನರಿಗೆ ನೋಟಿಸ್‌ ನೀಡಲಾಗಿದೆ’ ಎಂದು ಜಂಟಿ ಪೊಲೀಸ್‌ ಕಮಿಷನರ್‌ ರಜನೀಶ್‌ ಗುಪ್ತಾ ಅವರು ‌ತಿಳಿಸಿದ್ದಾರೆ.

ಉದ್ಯೋಗ, ಹೂಡಿಕೆ ಮತ್ತು ವರ್ಕ್‌ ಫ್ರಂ ಹೋಮ್‌ ಹೆಸರನ್ನು ವಂಚನೆ ಎಸಗುತ್ತಿದ್ದವರನ್ನು ಬಗ್ಗು ಬಡಿಯಲು ಮುಂದಾಗಿರುವ ಪೊಲೀಸರು, ಇಂಥ ಪ್ರಕರಣಗಳಲ್ಲಿ ಭಾಗಿಯಾಗುತ್ತಿರುವ ಹಲವಾರು ಕಾಲ್‌ ಸೆಂಟರ್‌ಗಳಲ್ಲಿ ಶೋಧ ನಡೆಸಿದ್ದಾರೆ.