ಉತ್ತರ ಗುಜರಾತ್‌ನಲ್ಲಿ ಕಂಪಿಸಿದ ಭೂಮಿ: ಯಾವುದೇ ಹಾನಿ ಇಲ್ಲ

ಅಹಮದಾಬಾದ್: ಉತ್ತರ ಗುಜರಾತ್‌ನಲ್ಲಿ ಶನಿವಾರ ಬೆಳಗ್ಗೆ ಭೂಮಿ ಕಂಪಿಸಿದ್ದು ಯಾವುದೇ ಹಾನಿಯಾದ ಬಗ್ಗೆ ವರದಿಯಾಗಿಲ್ಲ.

ರಿಕ್ಟರ್‌ ಮಾಪಕದಲ್ಲಿ 3.4 ತೀವ್ರತೆಯ ಕಂಪನ ದಾಖಲಾಗಿದೆ ಎಂದು ಭೂಕಂಪಶಾಸ್ತ್ರ ಸಂಶೋಧನಾ ಸಂಸ್ಥೆ (ISR) ತಿಳಿಸಿದೆ.

ಜಿಲ್ಲಾ ಅಧಿಕಾರಿಗಳ ಪ್ರಕಾರ, ಯಾವುದೇ ಸಾವು ನೋವು ಅಥವಾ ಆಸ್ತಿ ಹಾನಿಯ ವರದಿಯಾಗಿಲ್ಲ.

ಬನಸ್ಕಾಂತ್‌ ಜಿಲ್ಲೆಯ ವಾವ್ ಬಳಿ ಭೂಕಂಪದ ಕೇಂದ್ರ ಬಿಂದು ದಾಖಲಾಗಿದೆ ಎಂದು ಐಎಸ್‌ಆರ್‌ ತಿಳಿಸಿದೆ. ಈ ಭಾಗ ಭೂಕಂಪನದ ಅಪಾಯ ಪ್ರದೇಶವಾಗಿದೆ. 200 ವರ್ಷಗಳಲ್ಲಿ 9 ಸಲ ಭೂಕಂಪನವಾಗಿದೆ.

ಜನವರಿ 26, 2001ರಂದು ಕಚ್‌ನಲ್ಲಿ ಸಂಭವಿಸಿದ ಭೂಕಂಪದಲ್ಲಿ 13,800 ಜನರು ಮೃತಪಟ್ಟಿದ್ದರು.