28ರಂದು ಕೃಷಿ ಕಾಯ್ದೆಗಳ ‘ಹೋಳಿ ದಹನ’

ನವದೆಹಲಿ: ಕೇಂದ್ರದ ಮೂರು ಕೃಷಿ ಕಾಯ್ದೆಗಳನ್ನು ರದ್ದುಪಡಿಸಬೇಕು ಎಂದು ಆಗ್ರಹಿಸಿ ಮಾರ್ಚ್‌ 26ರಂದು ಭಾರತ ಬಂದ್‌ ನಡೆಸಲು ಹಾಗೂ 28ರಂದು ಕೃಷಿ ಕಾಯ್ದೆಯ ‘ಹೋಳಿ ದಹನ’ ನಡೆಸಲು ಸಂಯುಕ್ತ ಕಿಸಾನ್‌ ಮೋರ್ಚಾ ನಿರ್ಧರಿಸಿದೆ.

ಗಂಗಾನಗರ ಕಿಸಾನ್‌ ಸಮಿತಿಯ ರಂಜಿತ್‌ ರಾಜುಬುಧವಾರ ಇಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ,26ರ ಭಾರತ ಬಂದ್‌ ದಿನ ಬೆಳಿಗ್ಗೆ 6ರಿಂದ ಸಂಜೆ 6ರ ವರೆಗೆ ದೇಶದಾದ್ಯಂತ ಎಲ್ಲಾ ವ್ಯವಹಾರಗಳನ್ನು ಸ್ಥಗಿತಗೊಳಿಸಲಾಗುವುದು. ವಿವಿಧ ಸಂಘಟನೆಗಳು ಬಂದ್‌ಗೆ ಬೆಂಬಲ ಘೋಷಿಸಿವೆ ಎಂದರು.