ಅಮೆರಿಕ: ಗುಂಡಿನ ದಾಳಿಯಲ್ಲಿ ಹೈದರಾಬಾದ್‌ ವಿದ್ಯಾರ್ಥಿ ಸಾವು

ಹೈದರಾಬಾದ್‌: ಅಮೆರಿಕದಲ್ಲಿ ನಡೆದ ಗುಂಡಿನ ದಾಳಿಯಲ್ಲಿ ಹೈದರಾಬಾದ್‌ನ ವಿದ್ಯಾರ್ಥಿ ಪೋಲೆ ಚಂದ್ರಶೇಖರ್‌ ಮೃತಪಟ್ಟಿದ್ದಾರೆ ಎಂದು ಬಿಆರ್‌ಎಸ್‌ ಶಾಸಕ ಟಿ.ಹರೀಶ್‌ ರಾವ್‌ ಅವರು ಶನಿವಾರ ತಿಳಿಸಿದರು.

‘ಭಾರತದಲ್ಲಿ ಬಿಡಿಎಸ್‌ ಪೂರ್ಣಗೊಳಿಸಿ ಉನ್ನತ ವಿಧ್ಯಾಭ್ಯಾಸಕ್ಕಾಗಿ ಡಲ್ಲಾಸ್‌ಗೆ ಚಂದ್ರಶೇಖರ್‌ ತೆರಳಿದ್ದರು. ಶನಿವಾರ ಮುಂಜಾನೆ ದುಷ್ಕರ್ಮಿಗಳ ಗುಂಡೇಟಿಗೆ ಬಲಿಯಾಗಿದ್ದಾರೆ’ ಎಂದು ತಿಳಿಸಿದ್ದಾರೆ.

‘ಮೃತದೇಹವನ್ನು ಭಾರತಕ್ಕೆ ತರಲು ತೆಲಂಗಾಣ ಸರ್ಕಾರ ಕ್ರಮ ಕೈಗೊಳ್ಳಬೇಕು’ ಎಂದು ಅವರು ಒತ್ತಾಯಿಸಿದರು.