ಭಾರತ–ನೇಪಾಳ ನಡುವೆ ಬಸ್‌ ಸಂಚಾರ ಪುನರಾರಂಭ

ಸಿಲಿಗುರಿ, ಪಶ್ಚಿಮ ಬಂಗಾಳ: ಕೋವಿಡ್‌ನಿಂದಾಗಿ ಒಂದೂವರೆ ವರ್ಷದಿಂದ ಸ್ಥಗಿತಗೊಂಡಿದ್ದ ಪಶ್ಚಿಮ ಬಂಗಾಳದ ಸಿಲಿಗುರಿ ಮತ್ತು ನೇಪಾಳದ ಕಠ್ಮಂಡು ನಡುವಿನ ಬಸ್‌ ಸಂಚಾರ ಪುನರಾರಂಭವಾಗಿದೆ.

45 ಆಸನಗಳ ಬಸ್‌ ಮಂಗಳವಾರ ಮಧ್ಯಾಹ್ನಸಿಲಿಗುರಿಯಿಂದ ಕಠ್ಮಂಡುವಿಗೆ ಹೊರಟಿತು.ಎಲ್ಲಾ ಪ್ರಯಾಣಿಕರು ಲಸಿಕೆ ಪಡೆದಿರಬೇಕು, ಕೋವಿಡ್‌ ಮಾರ್ಗಸೂಚಿಗಳನ್ನು ಪಾಲಿಸಬೇಕು ಎಂದು ಸೂಚಿಸಲಾಗಿದೆ.

ಕಠ್ಮಂಡುವಿನಿಂದ ಸಿಲಿಗುರಿಗೆ ಮಂಗಳವಾರ, ಗುರುವಾರ ಮತ್ತು ಶನಿವಾರ ಮಧ್ಯಾಹ್ನ 3 ಗಂಟೆಗೆ ಬಸ್‌ ಹೊರಡಲಿದೆ. ಟಿಕೆಟ್‌ ದರ ₹1,500 ನಿಗದಿಪಡಿಸಲಾಗಿದೆ.