ಕೇರಳ: ಲಿಂಗ ಬದಲಿಸಿಕೊಂಡ ದಂಪತಿ ಮಗುವಿನ ನಿರೀಕ್ಷೆಯಲ್ಲಿ...

ಕೊಟ್ಟಾಯಂ: ಕೇರಳದಲ್ಲಿ ಲಿಂಗ ಬದಲಿಸಿಕೊಂಡ ಟ್ರಾನ್ಸ್‌ಜೆಂಡರ್ ದಂಪತಿ (ತೃತೀಯ ಲಿಂಗಿ) ಈಗ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ.

ಕೋಯಿಕ್ಕೋಡ್‌ನ ಉಮ್ಮಲತ್ತೂರ್‌ನ ಟ್ರಾನ್ಸ್‌ಜೆಂಡರ್ ದಂಪತಿ ಜಿಯಾ ಮತ್ತು ಜಹಾದ್ ಈ ಸಂತೋಷದ ಸುದ್ದಿಯನ್ನು ಬಿತ್ತರಿಸಿದ್ದಾರೆ.

ಹೆಣ್ಣಾಗಿ ಜನಿಸಿದ ಜಹಾದ್, ಪುರುಷನಾಗಿ ಮತ್ತು ಗಂಡಾಗಿ ಜನಿಸಿದ ಜಿಯಾ ಮಹಿಳೆಯಾಗಿಯೂ ಲಿಂಗ ಪರಿವರ್ತನೆ ಮಾಡಿಕೊಂಡಿದ್ದರು. ಈ ದಂಪತಿಯೀಗ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ.

ದೇಶದ ಮೊದಲ ತೃತೀಯ ಲಿಂಗಿ ಗರ್ಭಧಾರಣೆ ಇದಾಗಿದೆ.

ಅಪ್ಪನೂ ನಾನೇ ಅಮ್ಮನೂ ನಾನೇ ಎಂದು ದೇಶದ ಮೊದಲ ಟ್ರಾನ್ಸ್‌ಮನ್ ಅಪ್ಪ ಆಗಲಿರುವ ಜಹಾದ್ ತಿಳಿಸುತ್ತಾರೆ.

ಮಗುವನ್ನು ದತ್ತು ಪಡೆಯುವುದಕ್ಕೆ ಕಾನೂನು ಹಾದಿ ಕಠಿಣವಾಗಿದ್ದರಿಂದ ತೃತೀಯ ಲಿಂಗಿ ಗರ್ಭಧಾರಣೆ ಬಗ್ಗೆ ಯೋಚನೆ ಮಾಡಿರುವುದಾಗಿ ಈ ದಂಪತಿ ವಿವರಿಸುತ್ತಾರೆ.